«QR Täuelsızdık künıne orai mūqtaj zeinetkerlerge, iaǧni eŋbek ötılı bolmaǧandyqtan eŋ tömen kölemde zeinetaqy alatyn azamattarǧa 3 myŋ teŋgeden äleumettık kömek körsetıledı» dep habarlady astana.kz saityna qalalyq Jūmyspen qamtu jäne äleumettık baǧdarlamalar basqarmasynan.
Būryn habarlanǧandai, Qazaqstan Respublikasynyŋ Täuelsızdık künıne orai jergılıktı biudjet qarjysy esebınen 1986 jylǧy 17-18 jeltoqsandaǧy oqiǧaǧa qatysqandardyŋ ışınen oqiǧalar kezınde qasaqana kısı öltırgender men milisiia qyzmetkerınıŋ, halyq jasaqşylarynyŋ ömırıne qastandyq jasaǧandardan basqa (olarǧa qatysty qazırgı qylmystyq ısterdı qaita qarau tärtıbı saqtalady), saiasi quǧyn-sürgın qūrbandaryna 20 myŋ teŋge kölemınde bır rettık aqşalai tölem türınde äleumettık kömek körsetıledı.
.
