2018 jyldyŋ 7 qaraşasynda Beibıtşılık jäne kelısım saraiynda şetelde tūratyn otandastarymyzdyŋ qatysuymen «Qasiettı Qazaq Elı» halyqaralyq öner festivalı öttı.
Öner festivalıne elımızdıŋ är öŋırınen kelgen qatysuşylardan bölek, Germaniia, Fransiia, Qytai, Resei, Moŋǧoliia, Türkiia siiaqty alys-jaqyn şetelderden 50-den astam qandastarymyz qatysty.
Festivaldıŋ maqsaty – otandastarymyzdyŋ şyǧarmaşylyq jäne bılım äleuetın arttyru, olarǧa qatysty maŋyzdy mäselelerdı talqylau, tuǧan tıl men mädeni qūndylyqtardy igeruı tūrǧysynan qazaq diasporasyna ädıstemelık jäne ūiymdastyruşylyq qoldau körsetu, talantty oryndauşylardy anyqtau jäne qoldau körsetu bolyp tabylady.
Festival aiasynda müşaira, terme jäne halyqtyq qoldanbaly öner nominasiialary boiynşa saiystar ūiymdastyryldy.
Festivaldıŋ jeŋımpazdaryn marapattau räsımıne QR Qoǧamdyq damu ministrı Darhan Käletaev, «Otandastar qory» KEŪ Prezidentı Nūrtai Äbıqaev, Astana qalasy äkımınıŋ orynbasary Ermek Amanşaev qatysty.
Qatysuşylar aldynda QR Qoǧamdyq damu ministrı D.Käletaev qūttyqtau söz söilep, «Qasiettı Qazaq Elı» halyqaralyq öner festivalı Memleket basşysy N.Ä.Nazarbaevtyŋ «Bolaşaqqa baǧdar: ruhani jaŋǧyru» baǧdarlamalyq maqalasy aiasynda jüzege asyrylyp otyrǧanyn atap öttı.
Qazırgı uaqytta älemnıŋ 43 memleketınde 5 milionnan astam qandastarymyz tūrady. Olardyŋ basym bölıgı Qazaqstanmen şekaralas elderde ömır süredı: Özbekstan (900 myŋ adam), Qytai (1,5 mln adam), Resei (800 myŋ adam), Türkmenstan (65 myŋ adam), Moŋǧoliia (142 myŋ adam) jäne Qyrǧyzstan (33 myŋ adam).
