Bügın elordada küzgı ekologiialyq ailyq aiasynda «Astana – taza qala!» jalpyqalalyq senbılıgı ötıp jatyr. Dästürlı şaraǧa 90 myŋǧa juyq adam qatysuda. Jalpy bügın qalada 10 myŋnan astam köşet otyrǧyzu josparlanǧan.
Senbılıkke şyqqan astanalyqtar Almaty audanynda QR Ūlttyq muzeiı aumaǧyna, Esıl audanynda «Hanşatyr» SOO ainalasyna jäne Eŋbekşıler köşesınen «Telman» tūrǧyn alabyna deiın, sondai-aq, Saryarqa audanynda Sarybūlaq özenınıŋ jaǧalauyna aǧaş ektı.
Qala igılıgı üşın jūmyldyrylǧan ortaq ıske 89 myŋnan astam adam, sonyŋ ışınde käsıporyndar men ūiymdardyŋ 4 myŋǧa juyq qyzmetkerı, 45 joǧary jäne orta arnaiy oqu orny, 133 mektepke deiıngı jäne bılım beru mekemesı qatysty. Oǧan qosa, 430 arnaiy tehnika tartyldy.
– Elordany kögaldandyru, barlyq audandarda jäne şaǧyn audandarda gülbaqtar men saiabaqtar sanyn arttyru – basty mındetterımızdıŋ bırı. Astanada dästür boiynşa jyl saiyn 20 myŋnan artyq köşet otyrǧyzylady. Biyl Botanikalyq baqtyŋ salynatynyn eskersek, būl körsetkış ekı esege ūlǧaiady. Osynyŋ barlyǧy halyqtyŋ küşımen jäne qoldauymen jasalyp jatyr. Senbılıkter tazalyqqa tärbieleidı. Osylaişa, bız qalamyzǧa degen süiıspenşılıgımızdı jetkızıp, patriottyq tanytamyz, – dedı Astana qalasynyŋ äkımı Äset İsekeşev.
Esıl audanynda aldyn ala belgılengen segız aimaqta 120 tehnika, sonyŋ ışınde 90 jük avtokölıgı, 30 şaqty tieuış kölık jūmyldyryldy. Al «Hanşatyr» aumaǧynda 330 tüp jas tal egılmek. Audanda 2 myŋnan astam aǧaş otyrǧyzu josparlanǧan.
Almaty audanyn jetı aimaqta aǧaş otyrǧyzylyp jatyr. Onyŋ ışınde eŋ ülken aimaq – jaŋa Triatlon parkı. Onda 2 myŋnan astam tüp aǧaş egılude. Jalpy audanda 5 myŋnan astam aǧaş otyrǧyzylady.
Al Saryarqa audanynda Sarybūlaq özenınıŋ boiynda 400 tüp aǧaş egıldı. Būl audan boiynşa 2 myŋnan astam aǧaş otyrǧyzylyp jatyr.
