Astanada Eŋbek künıne orai qalalyq eŋbek forumy öttı. Jastar teatrynda ūiymdastyrylǧan şara barysynda «Eŋbek joly» konkursynyŋ jeŋımpazdary – üzdık eŋbek äuletterı, jas mamandar men tälımgerler marapattaldy.
Eŋbekkerlerdıŋ merekesıne arnalǧan şarany aşqan Astana qalasy äkımınıŋ orynbasary Andrei Lukin jinalǧan qauymdy elorda basşysynyŋ atynan qūttyqtady.
– Memlekettıŋ basty qūndylyǧy bolyp tabylatyn eŋbek adamynyŋ bedelın köteru üşın Memleket basşysynyŋ jarlyǧymen Eŋbek künı bekıtıldı. Būl mereke üş jyldan berı toilanyp keledı. Barşaŋyzdy osy merekemen qūttyqtap, densaulyq pen bar jaqsylyqty tıleimın, ärqaşan da elordamyzdyŋ damuy men güldenuı üşın eŋbek eteiık, – dedı Andrei Lukin.
Elorda äkımınıŋ orynbasary «Eŋbek joly» konkursynyŋ «Üzdık eŋbek äuletı» nominasiiasyndaǧy jeŋımpazdaryna alǧys hattar men syilyqtar tabystady.
– Ömırde bır mamandyqty käsıp etken
otbasylar bolady, olardyŋ bärı de adal eŋbek etedı. Mūndai äuletter Astanada öte köp. Būl konkursty ötkızu dästürge ainalyp, sahnaǧa şyǧatyn adamdar sany arta tüsedı dep oilaimyn, – dedı Andrei Lukin.
Atalǧan nominasiiada Mūqaşevtar äuletı üşınşı, İvanovtar ekınşı, Buiakovtar bırınşı oryn aldy. Būl sanat boiynşa jeŋımpazdar bır salada 81 jyldan berı eŋbek etıp keledı.
– Äkımdıkke jäne basşylyǧymyzǧa alǧys aitamyz. Bız de, balalarymyz da «Astana su arnasy» käsıpornynda jūmys ısteimız. Osyndai mereke elımızge qajet dep oilaimyn. Osylaişa, adamdar eŋbek äuletterı turaly köp bıletın bolady, jastar da jūmysşy mamandyqtardy taŋdaidy, – deidı Natalia Buiakova.
Sonymen qatar, forum barysynda jas mamandarǧa da qūrmet körsetıldı. Atap aitqanda, «STONE HOUSE» JŞS mamany Erjan Seiıtqojanov, «Astana su arnasy» MKK kärız tazartu qūrylystary uchaskesınıŋ slesarı Medet Qabykenov jäne «Tūlpar-Talgo» JŞS şeberı Quanyş Mūqyşev marapattaldy.
Jastardyŋ tälımgerlerı de nazardyn tys qalǧan joq. №5 qalalyq emhananyŋ äleumettık qyzmetkerı Älfiia Esmūhanova, Qazaq gumanitarlyq zaŋ universitetınıŋ aǧa oqytuşysy Nazgül Bolatbekova jäne bırınşı oryn alǧan «Astana-REK» AQ jedel şaqyru qyzmetınıŋ 1-sanattaǧy tehnigı Qairat Bekmaǧanbetov te marapattarǧa ie boldy. Ol bırınşı därejelı mamandardy daiyndaidy. «Elektroenergetika – qauıptı öndırıs, ülken jauapkerşılık jükteledı, sondyqtan jaŋadan kelgenderdı oqytuda qauıpsızdıkke basa nazar audaramyn» deidı maman.
Sondai-aq, jeŋımpazdar turaly beinerolikter körsetılıp, muzykalyq kompozisiialar oryndaldy. Forumda Käsıpodaq ūiymdary men Astana qalasynyŋ käsıpkerler palatasy da marapattaldy.
