ASTANA
Biyl elordada jyl soŋyna deiın 65 köşenıŋ joldary ortaşa jöndeuden ötetın bolady. Köşelerdıŋ 15-ı qalanyŋ ortalyǧynda, 50-ı qala şetındegı tūrǧyn üi alaptarynda ornalasqan. Jöndeletın joldardyŋ ūzyndyǧy 49,9 şaqyrymdy qūraidy. Öndırıs, Oŋtüstık-Şyǧys, Köktal jäne Agroqalaşyq tūrǧyn üi alaptarynda 50 köşedegı joldardyŋ ūzyndyǧy – 18 şaqyrym.
MAŊǦYSTAU OBLYSY
Qazaqstan qūramasy men «Astana» futbol klubynyŋ qorǧauşysy Abzal Beisebekov Maŋǧystau oblysy Jetıbai kentınde tūratyn köp balaly otbasyna baspana satyp alyp berdı. Būǧan deiın balalardyŋ ata-anasy Quatbai Baqtybaiūly men Aigül Äbdıǧaniqyzy «Hareket» qory arqyly jan baǧyp kelgen eken.
QARAǦANDY OBLYSY
Qaraǧandy oblysynyŋ Jaŋaarqa audanynda jergılıktı käsıpker ūsatyp-sūryptau jäne asfaltbeton zauyttaryn ıske qosty. «Arqa Qūrylys 2009» JŞS direktory Serık Bazarbaev aşqan käsıporynnyŋ zauyttyq önımdılıgı saǧatyna 80 tonnany qūraidy. Jyl basynan Qaraǧandy-Jezqazǧan jolyn ortaşa jöndeuge jäne Atasu-Qarajol avtojolyn asfalttau boiynşa jūmystar jürgızılıp jatyr.
SOLTÜSTIK QAZAQSTAN OBLYSY
Jaŋa oqu jylynan bastap Soltüstık Qazaqstan oblysyndaǧy bastauyş synyp oquşylary aqparattyq sauattylyqty üirenedı. Sabaqtar 1-2 synyptardan bastalady. Aqparattyq sauattylyq sabaqtarynyŋ taqyryptary alǧaşynda qarapaiym bolyp, bırte-bırte kürdelenıp otyrady. Jalpy, Petropavlda sifrlandyru baǧdarlamasy «Smart-balabaqşa», «Smart-mektep» jäne memlekettık qyzmetterdı avtomattandyru baǧyttary boiynşa ıske asyrylyp jatyr.
QOSTANAI OBLYSY
Qostanai oblysynyŋ tūrǧyndary Auyl künın toilauda. Ol Amangeldı audanynda qanat jaidy. Mūndaǧy maqsat – tuǧan ölkenıŋ tarihyna taǧzym jasap, körkeiuıne üles qosu, jas ūrpaqty otanşyldyqqa baulu. Alǧaşqy meiram Baiǧabyl auylynda öttı. Oǧan okrugtegı 54 şarua qojalyǧy qatysty. Olar byltyr 22 mln teŋge nesie alyp, özderınıŋ käsıpterın damytu jolyna tüstı.
AQTÖBE
Aqtöbede qorşaǧan ortany lastap otyrǧan käsıporyndarǧa ekologiialyq talaptar küşeitıldı. Sebebı qalany jailaǧan jaǧymsyz iıs älı de joiylmai tūr. Tiıstı talaptardy saqtamaǧan 7 mekemenıŋ jūmysy uaqytşa toqtatyldy. Şahar boiynşa auanyŋ tazalyǧyn baqylap otyratyn 6 meteobeket bar. Ötken jylǧy tekseru kezınde stansalardyŋ bırındegı qondyrǧy atmosferadaǧy kükırtsutegınıŋ mejelı körsetkışten 25 ese köp ekenın körsetken.
QYZYLORDA OBLYSY
Qyzylorda oblysynyŋ jastar saiasaty mäselelerı basqarmasynyŋ qoldauymen jalpy ūlttyq sipatqa ie ruhani jädıgerlerdı toptastyratyn «Qazaqstannyŋ kielı jerlerınıŋ geografiiasy» arnaiy jobasy aiasynda «Tarih tolqynynda» atty tarihitanymdyq saiahat ūiymdastyryldy. Saiahat ortaǧasyrlyq tarihi oryndardyŋ sanatyna jatatyn Sortöbe qalaşyǧynan bastaldy.
