2018 jyldyŋ soŋyna deiın elordanyŋ 65 köşesındegı joldar ortaşa jöndeuden ötetın bolady. Köşelerdıŋ 15-ı qalanyŋ ortalyǧynda, 50-ı qala şetındegı tūrǧyn üi alaptarynda ornalasqan. Jöndeletın joldardyŋ ūzyndyǧy 49,9 şaqyrymdy qūraidy dep habarlady Astana qalasy äkımdıgınıŋ baspasöz qyzmetı.
Öndırıs, Oŋtüstık-Şyǧys, Köktal jäne Agroqalaşyq tūrǧyn üi alaptarynda 50 köşedegı joldardyŋ jalpy ūzyndyǧy – 18 şaqyrymdy qūrap otyr. Ortaşa jöndeu jūmystarynyŋ barysynda asfaltbetondy jabyn töselıp, joldardyŋ negızı salynady.
Astana qalasy Kölık jäne jol-kölık infraqūrylymyn damytu basqarmasynyŋ mälımetterı boiynşa, bügıngı taŋda elordanyŋ şetınde ornalasqan 5 köşede joldardy jöndeu jūmystary tolyq aiaqtalǧan. Atap aitqanda, Öndırıs, Köktal, Agroqalaşyq tūrǧyn üi alaptary men Oŋtüstık-Şyǧys şaǧyn audanyndaǧy 23 köşede ūzyndyǧy 10,5 şaqyrymdy qūraityn joldar salynyp jatyr. 1 şıldege deiın qalǧan köşelerdı paidalanuǧa beru josparlanyp otyr. Joldar kezeŋ-kezeŋımen jyl soŋyna deiın paidalanuǧa berıledı.
Qalanyŋ şet aumaqtaryn damytu şeŋberınde osy jyly, sondai-aq, Köktal-2 tūrǧyn üi alabynda 8 köşedegı joldar salynyp, qaita jaŋartylyp, jaryqtandyrylatyn bolady. 8 köşedegı joldardyŋ jalpy ūzyndyǧy – 3,2 şaqyrym. Būl köşelerdegı üilerge injenerlık jelıler de tartu joparlanǧan.
