Astana
Elordada autizmmen auyratyn jäne basqa da erekşe kütımdı qajet etetın balalardy qoldauǧa arnalǧan «HI qysqy qaiyrymdylyq balmaskarad» ötedı. 8 jeltoqsan künı Astanadaǧy Radisson Hotel Astana qonaqüiınde ötetın bal aiasynda auksion ötkızılıp, oǧan türlı baǧaly zattar qoiylady.
Atyrau
Atyrauda avtobus jürgızuşıler men jolserıkterdıŋ jalaqysy ekı esege östı. Jürgızuşılerı 110 myŋ teŋgenıŋ ornyna endı 300 myŋ teŋge, al jolserıkter 45 myŋ teŋgenıŋ ornyna 85 myŋ teŋge jalaqy alady.
Almaty
Almaty äuejaiynda Reseidıŋ jalǧan tölqūjatyn ūsynǧan äiel ūstaldy. Jalǧan qūjat «Ystanbūl-Almaty» baǧytymen ūşyp kelgen TK-350 äue reisın resımdeu barysynda anyqtalǧan. Äieldıŋ Resei azamaty emes, özbekstandyq ekenı anyqtaldy.
Türkıstan oblysy
Türkıstanda Elbasynyŋ «Ruhani jaŋǧyru» baǧdarlamasy aiasynda jazylǧan «Mahabbat mūnarasy» miuziklınıŋ premerasy öttı.
Soltüstık Qazaqstan oblysy
Biylǧy jyldyŋ on aiynda oblysta 5878 näreste düniege kelgen. Onyŋ 3 034-ı – ūl, qalǧan 2 844-ı – qyz bala.
Batys Qazaqstan oblysy
H.Bökeeva atyndaǧy oblystyq qazaq drama teatrynda «Qazırgı zaman qaharmany» atty respublikalyq şara qorytyndylandy. Şarada elımız öŋırlerınen kelgen, adamdardy qūtqaru kezınde erlık körsetken tärtıp saqşylaryna qūrmet körsetıldı.
Şymkent
Şymkentte fotosuretşılerdıŋ «Ūly Jıbek joly boiymen» fotokörmesı aşyldy. «Kazakh Tourism» ŪK» AQ ūiymdastyrǧan fotobaiqauǧa Qazaqstan men Özbekstannyŋ äuesqoi jäne käsıbi suretşılerı qatysuda.
Qyzylorda oblysy
Oblystyq prokuratura «Qyzylorda su jüiesı» memlekettık kommunaldyq käsıpornynyŋ jūmysşylar aldyndaǧy 62,8 mln teŋge jalaqy qaryzyn töleuge yqpal ettı. Tekseru barysynda 570 jūmysşyǧa biylǧy şılde-tamyz ailaryna jalaqy tölenbegenı belgılı boldy.
Almaty oblysy
Şilısu auyly maŋynda üşeu bolyp ūşyp kelıp, keiın tobynan qalyp qoiǧan jalǧyz aqqu qūtqaryldy. Tūrǧyndardyŋ kömegımen tabiǧatty qorǧauşylar aqqudy ūstap, uaqytşa Almatydaǧy haiuanattar baǧyna tapsyrdy.
