Keşe Parij qalasynda ötken Halyqaralyq Körmeler Biurosynyŋ 153-şı sessiiasynda Astananyŋ jeŋımpaz qala retındegı alǧaşqy tūsaukeserı öttı. Būl turaly «Astana EKSPO-2017» Ūlttyq kompaniiasy» AQ-nyŋ baspasöz qyzmetı habarlady.
Qazaqstandyq tarap EKSPO körmesın ötkızuge qol jetkızgennen keiın jasalǧan jūmysy jäne Tırkelım qūjattamasyn daiarlau barysy jönınde esep berdı. Otandyq delegasiia qūramynda QR Syrtqy ıster ministrınıŋ bırınşı orynbasary, «EKSPO-2017» Halyqaralyq mamandandyrylǧan körmesınıŋ Komissary Räpıl
Joşybaev, «Astana EKSPO-2017» ŪK» AQ-nyŋ Basqarma töraǧasy Talǧat Ermegiiaev boldy.
Būl – Astananyŋ jeŋımpaz qala retındegı bırınşı tūsaukeserı. Onda Memlekettık komissiia jäne Ūlttyq kompaniianyŋ qūryluy men olardyŋ mındetterı turaly, jobany qarjylandyru mäselesı, halyqaralyq qatysuşy eldermen jūmys jürgızu boiynşa ıs-şaralar keşenı, körmenı ötkızgennen keiıngı EKSPO nysandaryn paidalanu jospary syndy aqparat berılgen. Öz sözınde R.Joşybaev HKB-ǧa müşe elder ökılderıne byltyr qaraşa aiynda elımızge dauys berıp, barynşa qoldau körsetkenı üşın alǧys aitty. Belgiiaǧa ädıl baqtalastyq üşın rizaşylyǧyn bıldırdı. Sondai-aq ol: «Qazaqstan öz tarapynan 2017 jyly EKSPO körmesın sättı ötkızuge barlyq mümkındıkter jasaidy. Bız EKSPO körmesıne qatysuşy elderge jäne körmenı tamaşalauǧa keluşı adamdarǧa barynşa jaqsy jaǧdai jasauǧa tyrysamyz. EKSPO-ny memleketımız halyqaralyq körmeler tarihynda öz atyn altyn ärıppen qaldyratyndai därejede ötkızuge niettımız», – dep atap öttı.
