ASTANANYŊ «AQYLDY JOBALARY»
Nazarbaev universitetınde «Startap uik-end» şarasy aiasynda elorda basşylyǧyna 12 smart-joba tanystyryldy. Būl turaly qala äkımınıŋ baspasöz qyzmetı habarlady.
Mäselen, 24 jasar injener-himik Ǧalym Bäitımbetov özınıŋ «Aqua Point» kompaniiasy äzırlegen tehnologiiany ūsyndy. Būl – sapaly auyzsuy bar apparattar. Adamdar jiı baratyn oryndar – sauda üilerınde, mektepterde, universitetterde osyndai qūrylǧylardy ornatu bırden bırneşe mäselenı şeşuge mümkındık beredı. «Bızdıŋ qūrylǧynyŋ erekşelıgı – Qazaqstanda mūndai apparattar joq, bıraq älemde būl tehnologiia bar jäne täjıribe jüzınde halyq üşın tiımdılıgı däleldengen. Ol halyqqa auyzsudy tegın beredı jäne qorşaǧan ortany plastik qaldyqtarmen lastau problemasyn şeşedı jäne mektep oquşylaryn su tūtynu mädenietıne baulidy. Būl – qazaqstandyq önım jäne ol şeteldık analogtarynan arzanyraq» deidı Ǧalym Bäitımbetov.
Sonymen qatar, balalardyŋ damuyna äser etetın oiyndar, qauıpsız jaiau jürgınşıler ötkelı, ambulatoriialyq oŋaltu ortalyǧy, bılegı joq adamdarǧa arnalǧan mehanikalyq protez, ǧimaratqa kıltsız kıru, jas ǧalymdardyŋ ärtürlı taǧy alty ideiasy men şeşımı qala basşylyǧynyŋ qyzyǧuşylyǧyn tudyrdy. Qala äkımı Äset İsekeşev startapşylarǧa oilaryn ıske asyru üşın «Damu» jelısı boiynşa granttaryna qatysudy ūsyndy.