Elordada taǧy bır aula kluby aşyldy. «Sairan» tūrǧyn üi keşenınıŋ aumaǧynda ornalasqan «Sairan» aula klubynyŋ zamanaui ülgıde jasandy gazonmen jäne körermenderge arnalǧan oryndarmen jabdyqtalǧan futbol alaŋy bar.
Klubty aşuǧa Nūr-Sūltan qalasy Jastar saiasaty mäselelerı basqarmasy men «Astana jastary» kommunaldyq memlekettık mekemesı bastamaşyl boldy. «Sairan» qūrylys kompaniiasynyŋ direktory Talǧat Kojahmetovtıŋ aituynşa, tūrǧyn üi keşenı aumaǧynda aula kluby men stadion salu jospary 2009 jyly bolǧan eken.
– Alaŋ şaǧyn futbol oinauǧa arnalǧan. Onyŋ enı 20 metr, al ūzyndyǧy 40 metrge jetedı. Körermenderge arnalǧan orynǧa 200 adam syiady. Mūnda şaǧyn futbol men bırge qol dobynan da turnirler ötkızuge bolady. Sportşylarǧa arnalǧan kiım auystyru bölmesı men duş kabinasy da bar. Sondai-aq klubta şahmat, doiby oinaǧysy kelgenderge de jaǧdai jasalǧan. Balalardyŋ oiynnan qūmary qanbai, şapqylap jüretın şaǧynda telefonǧa üŋılıp, üide jatqany janǧa batady. Būl oraida jaŋa stadion men aula kluby olardy salauatty ömır saltyna baulyp, sport ainalysuyna mol mümkındık syilaidy, – deidı T.Kojahmetov.
Aşylu saltanaty kezınde balalar doppen türlı ädıs-täsılder körsetıp, özara joldastyq kezu ötkızdı.
– Būl Saryarqa audanyndaǧy besınşı aula kluby. Klub negızınen äleumettık jaǧdaiy tömen otbasylardan şyqqan balalarǧa arnalǧan. Olar mūnda tegın jattyǧa alady. Bılıktı jattyqtyruşylardy tartu arqyly futbol üiırmesınıŋ de jūmysy jolǧa qoiylady. Sol arqyly aula klubtary arasynda şaǧyn futboldan bırınşılıkter ötkızıp tūramyz. Jyl basynda halyq köp qonystaǧan Saryarqa audanynda 2 aula klub ǧana bolatyn. Jyl soŋyna deiın olardyŋ sanyn 13-ke deiın jetkızu josparlanyp otyr,– deidı «Astana jastary» KMM basşysy Şyŋǧys Tıleulin.
Osylaişa Saryarqa audanynyŋ jetkınşekterı mol şattyqqa kenelıp, bos uaqyttaryn tiımdı ötkızuge mümkındık aldy.
