AULALYQ KLUBTARDYŊ QYZMETI – TEGIN
Soŋǧy jyldary Astanada aula klubtarynyŋ qatary köbeidı. Būl künde qalalyq äkımdıktıŋ qoldauymen aşylǧan 12 aulalyq klub elordalyqtarǧa qyzmet körsetıp otyr.
Būlar, äsırese, balalar men jastar jiı baratyn paidaly orynǧa ainaldy. Jastar saiasaty mäselelerı basqarmasyna qarasty būl mekemeler – şynynda da köpşılıktıŋ bos uaqytyn tiımdı ūiymdastyruǧa taptyrmas meken. Äsırese, jazǧy demalys şaǧynda atalmyş ūiymdardyŋ kömegı köp ekenı belgılı.
Sondai ortalyqtardyŋ bırı – şahardaǧy Abylai han köşesınde ornalasqan «Jas qanat» aula kluby jaqynda «Aşyq esık künın» ötkızdı. Köŋıldı şara barysynda büldırşınder men jasöspırımder än men biden jarysyp, qyzu dodaǧa tüstı. Sonymen bırge, futbol, teatr önerı, akterlık şeberlık, üstel tennisı jäne skauting sekıldı jaŋa üiırmeler tūsauyn kesıp, balaqailardy bır quantty.
– Mūndaǧy ūl-qyzdar audandyq jäne qalalyq deŋgeidegı mädeni-sporttyq saiystarǧa belsene atsalysady. Eŋ üzdık toptar respublikalyq jarystarǧa jıberıledı. Jalpy, aula klubtary baldyrǧandarymyzdy salauatty ömır saltyna bauluǧa, şyǧarmaşylyqqa ikemdeuge järdemdesedı. Bügınde qalada äkımdıktıŋ bastamasymen qūrylǧan 12 aula kluby jūmys ısteidı. Eŋ bastysy olardaǧy barlyq üiırmelerge, ötkızıletın şaralarǧa qatysu tegın, – deidı Jastar saiasaty mäselelerı basqarmasynyŋ aula klubtaryn damytu jönındegı bölımı basşysy Mūrat Boryqbaev.
Botagöz MARATQYZY