Astana qalasynda Belgılı tūraǧy joq adamdarǧa arnalǧan äleumettık beiımdeu ortalyǧy bar. 2001 jyldan berı jūmys ıstep kele jatqan mekemede azamattar bır aidan bır jylǧa tūryp, medisinalyq äleumettık qyzmet alady.
Bır tanysym qazırgı zamannyŋ eŋ auyr qarǧysy «öz mäselıŋdı özıŋ şeş» ekenın aityp, oilantyp tastaǧan edı. Rasynda, tırlıktıŋ kemesı suǧa batqanda täuekeldıŋ «jel qaiyǧymen» iırımnen şyǧyp ketseŋ, jaqsy. Al, iırım batyryp äketse şe?! Sonda adam balasy şyn qarıpke ainalmai ma?! Osyndaida aǧaiyndary syrt ainalsa, «öz mäseleŋdı özıŋ şeş» dep qoǧam bezbüirektık tanytsa ne bolmaq? Quanyştysy, elorda mūndai adamdarǧa şama-şarqynşa qol ūşyn berıp keledı. Joǧaryda atalǧan belgılı tūraǧy joq adamdar mekendeitın ortalyq – sonyŋ kuäsı.
Ötken jyly atalmyş mekemege 1275 adam kelıp tüsken. Onyŋ 300-ınde ǧana jeke qūjaty bolsa, qalǧan 984-ınde jeke basyn rastaityn qūjaty bolmai şyqqan. Ortalyq solardyŋ 134-ınıŋ qūjatyn qalpyna keltırıp, 10 adamnyŋ «qyzyl pasporty» jeke kuälıkke auystyrylǧan. Al, 92 azamat ortalyqtyŋ küşımen jūmysqa ornalastyrylǧan.
Qaŋǧybastar qamytyn kigenderdıŋ jeteuı Qarttar men mügedekterge arnalǧan äleumettık medisinalyq mekemege ornalasyp, tūraqty jaiyn tapty. 55 adam densaulyǧyna bailanysty mügedektıkke räsımdelıptı. Al 63 azamatqa jasyna bailanysty zeinetaqy men mügedektıgıne qatysty äleumettık tölemder aluyn qamtamasyz etken. Osy kezeŋde respublikanyŋ özge aimaqtarynan kelgen 310 adam kelgen jerlerıne qaitarylǧan. Aǧaiyndarynan qol üzgen jüz adamnyŋ jaqyndarymen bailanysyp, tuystarynyŋ alyp ketuıne qol ūşyn berıptı. Eşqandai tuysy tabylmaǧan 60 azamat özderı tırkelgen basqa oblystardaǧy balamaly äleumettık oryndarǧa jetkızılgen.
Osy jyldyŋ alǧaşqy toqsanynda äleumettık beiımdeu ortalyǧyna 618 adam kelıp tüsıp, belgılengen tärtıp aiasynda qyzmet körsetılude. Ortalyqta tek qana tünemelıkke 50 tösek-oryn bölıngen. Ötken jyly 7908 adam osynda qonyp ketıp jürıptı. Üstımızdegı jyldyŋ alǧaşqy toqsanynda būl qyzmet 4771 janǧa körsetılgen. 2012 jyldan berı mūnda mobildı «Äleumettık jasaq» qyzmetı ıske qosylǧan.
– Kün saiyn dispetcherımız barlyq tırek punktterımen, PİK, qala vokzaldarymen bailanysady. Eger belgılı tūraǧy joq adamdar anyqtalsa, olardy mekememızge aldyrtuǧa tyrysamyz. Qala boiynşa 9:00-den 22:00-ge deiın jūmys ısteitın mobildı äleumettık jasaǧymyz bızdıŋ qarauymyzdaǧy sanatqa kıretın adamdardy jyldam jetkıze alady. Mūnda olarǧa medisinalyq kömek körsetılıp, äleumettık ahualyna taldau jasap körsetıletın qyzmettı belgıleimız, – deidı astanalyq Belgılı tūraǧy joq adamdarǧa arnalǧan äleumettık beiımdelu ortalyǧy direktorynyŋ äleumettık mäseleler jönındegı orynbasary Dinara Şapina.
Osylaişa, mekemenıŋ äleumettık qyzmetkerlerı özderı az bolsa da qamqorlyqqa asa zäru jandarǧa jan-jaqty kömek körsetıp, olardyŋ ömır süru salttaryna özgerıs jasap, kökırekterınde ümıt oiatyp, jaqsylyqqa jeteleuge kömektesıp keledı.
Bır jaqsysy, mūnda «öz mäseleŋdı özıŋ şeş» degen söz joq. Kerısınşe, qūrdymǧa ketkenderdı qūtqaru üşın ortalyq qoldan kelgen bar mümkındıkterdı qarastyryp otyr.
Aigul UAISOVA
