Astana qalasynyŋ «№7 Olimpiadalyq rezervtı balalar men jasöspırımderdıŋ mamandandyrylǧan sport mektebınıŋ» oquşylary ekı halyqaralyq jarystan ekı altyn medal äkeldı.
Jaqynda Türkımenstan astanasy Aşhabad qalasynda sambodan ötken Aziia chempionatynda 65 kelı salmaqta el namysyn qorǧaǧan Aqbota Arǧynǧazina chempion atandy. Osy jarysqa tyŋǧylyqty daiyndalyp barǧan astanalyq aru barlyq qarsylastarynan basym tüstı. Al jartylai finalda, sonymen qatar aqtyq beldesude keremet şeberlıgımen täntı ettı. Finalǧa şyǧu jolynda Malaiziia sportşysyn 8:0 esebımen tıze büktırse, altyn medal üşın aiqasta boz kılemnıŋ iesı, iaǧni, Türkımenstan baluanymen betpe-bet şyqty. Öte tartysty ötken osy kezdesude Aqbota Arǧynǧazina qarsylasyn taza laqtyryp jeŋıske jettı. Aziia chempionynyŋ qūrmetıne Aşhabad törınde Qazaqstan änūrany şyrqaldy. Būl jeŋıs – bapkerı ärı äkesı Jaŋabatyr Aitqūlovtyŋ da jeŋısı ekenı sözsız.
Osy sport mektebınıŋ taǧy bır şäkırtı Aleksei Magdeev te halyqaralyq jarystyŋ jeŋımpazy atanyp keldı. Jas sportşy Şvesiianyŋ Iopchepeng qalasynda tai boksynan ötken jastar arasyndaǧy älem chempionatynda top jardy. Astanalyq sportşy 45 kelı salmaqta qarsylas şaq keltırmei, altyn medal ielendı. Alekseidıŋ būl jeŋısıne bapkerı Dias Qabduov ta ortaq.
Ǧalym QOJABEKOV
