Būrnaǧy künı «Nūr Otan» partiiasy qalalyq filialynyŋ ǧimaratynda Memlekettık qyzmet ısterı agenttıgınıŋ Astana qalasy boiynşa departamentı basşysy – Tärtıptık keŋestıŋ töraǧasy Tılegen Qaskin azamattardy jeke qabyldady.
Biyl «Memlekettık qyzmet turaly» zaŋǧa özgerıster engızılıp, osy sala jaŋa ülgı boiynşa jūmys ıstei bastaǧany belgılı. Tılegen Tölegenūly saladaǧy jaŋalyqtardy tüsındıru, keŋes beru maqsatynda jäne memlekettık qyzmetkerlerdıŋ üstınen aitylatyn aryz-şaǧymdarǧa qatysty aiyna bır ret adamdardy qabyldap jür. Aryz-şaǧymdar negızınen halyq qyzmetşılerınıŋ
etika saqtamauyna, ısı
tüsken adamnan dämetetındıgıne, atqaryluy tiıs şarany ūzaqqa sozyp aluyna bailanysty aitylady
eken. Köbınese halyq ışkı
ıster organdarynyŋ, tūrǧyn üi-kommunaldyq sala qyzmetkerlerınıŋ, sot aktılerın oryndau departamentınıŋ jūmysyna şaǧymdanyp keledı. Oǧan azamattardy qabyldauǧa qatysqan özımız de kuä boldyq.
Sol künı Erkebolat Aqanov esımdı zamandasymyz Almaty audany ışkı ıster bölımınıŋ jūmysyna şaǧymdanyp keldı. Tamyz aiynda avtotūraqta tūrǧan onyŋ kölıgınen qūjattary ūrlanǧan. Osy faktı boiynşa atalmyş audannyŋ tärtıp saqşylaryna aryzdanǧan ol sodan berı mardymdy jauap ala almai keledı. «Almaty audanynyŋ ışkı ıster bölımıne bırneşe ret telefon soqtym. Alaida, tergeuşı bırese eŋbek demalysynda bolady,
bırese ärıptesterınıŋ aituynşa, anda nemese mynda jüredı, äiteuır, ornynan taba almai qoidym» dedı ol. Mūny mūqiiat tyŋdaǧan Tılegen Qaskin özınıŋ atyna Almaty audany ışkı ıster bölımınıŋ jūmysyna qatysty aryz jazuǧa keŋes berıp, sol boiynşa jūmys ısteitınıne uäde berdı.
Amanǧali ŞMİTŪLY
