Astanada qūrylys qarqyndy jürıp, qala märtebesıne sai halyqqa jaǧdai jasaluda. Sänı men säuletı kelısken ǧimarattardy tūrǧyzuda köbıne-köp örkenietı damyǧan elderdıŋ täjıribesıne jügınemız. Qazırgı basty mındettıŋ bırı – 2017 jyly ötetın Halyqaralyq «EKSPO» körmesı qūrylysyn jürgızude älemnıŋ ozyq täjıribesın qoldanu.
Osyǧan orai, keşe Astana
qalasynyŋ äkımı İmanǧali Tasmaǧambetov daniialyq säuletşı Iаn Geilmen kezdestı. Säuletşı keluşılermen özınıŋ täjıribesın bölısıp, arnaiy şeberlık därısın ötkızdı.
«Professor myrza älemdık deŋgeidegı eŋ myqty sarapşylardyŋ qatarynda sanalady. Sondyqtan, esımı älemge äigılı professor Iаn Geil myrzanyŋ därısı jaŋa ǧasyrda jaŋa astanany tūrǧyzyp jatqan bız üşın bererı mol berekelı basqosu boldy degen senımdemın» dedı qala äkımı İmanǧali Tasmaǧambetov jiyn barysynda.
Öz kezegınde säuletşı Iаn Geil: «Qala nebary 15 jasta. Al, menıŋ tuǧan qalam Kopengagennıŋ 1000 jyldyq tarihy bar. Bız de mūndai belesterden öttık. Qalany damytuda türlı täjıribelerdı qoldandyq. Sodan tüigenım, qala syrtqy körınısımen ǧana emes, ışkı ömırımen de ädemı boluy kerek. Bügınde köptegen qalalarda kölıkten aiaq alyp jürgısız. Men jūmys ıstegen qalalardyŋ bırazy velosipedke auysyp jatyr. Ol üşın, ärine, aldymen jaǧdai jasalu kerek. Sızder de özderıŋızge qolaily, densaulyqqa paidaly joldy taŋdaisyzdar dep senemın» dedı.
Ūqsas jaŋalyqtar
Leave a Reply