«Babalar erlıgı – täuelsızdıktıŋ bastauy» degen ūranmen «Astana jastary» resurstyq ortalyǧynda «Paryz» aksiiasy öttı.
«Qazaq qolynyŋ joŋǧar basqynşylyǧyna qarsy azattyq soǧysyn «Ūly Otan jeŋısı» dep atap, ol kündı memlekettık deŋgeide mereke retınde toilau qajet pe?» degen saual respondentterge qoiylyp, basym köpşılıktıŋ tarapynan būl bastama qoldauǧa ie bolǧan edı. Naqty aitqanda, şaranyŋ bırınşı kezeŋı 2010 jyly Jambyl oblysyndaǧy Taraz qalasy men Qordai audandyq jas-tar qoǧamdyq bırlestıkterınıŋ ūiytqy boluymen ūiymdastyryldy. Būl Aŋyraqai şaiqasyndaǧy qazaq halqynyŋ 280 jyldyq jeŋısıne orailastyrylǧan edı. Jobanyŋ ekınşı kezeŋın Almaty oblysynyŋ «Halyq» jastar qoǧamdyq bırlestıgı jalǧastyrdy. Al, biyl şeru Atyrau Oral, Aqtöbe, Qostanai, Kökşetau, Petropavl qalalaryna da jetken bolatyn. «Osy 4 jyl ışınde jastar bolyp şaiqas ötken jerlerge ekspedisiiamen bardyq, araladyq. Tarihta tek Bögenbai, Qabanbai siiaqty batyrlardyŋ ǧana aty atalady. Al, el üşın janpida bolǧan basqa da erlerımız bar ǧoi. Myna sapar barysynda osy aty atalmai qalǧan batyrlar basyna ziiarat etıp, esımderın tızımge qostyq. Tarihşylardan bastap, tarih ǧylymynyŋ magistrlaryna deiın osy ıske jūmyldy. Äleumettık sūhbat jürgızdık» deidı joba üilestıruşısı Ahmet Dautov. Jiynǧa qatysqan astanalyq jastar Aŋyraqaidaǧy jeŋıs qazaq memleketı täuelsızdıgınıŋ bastauy bolǧanyn aityp, ideiany bırauyzdan qoldady. Ūiymdastyruşylardyŋ endgı maqsaty – qyrküiek aiynda elordada osyǧan qatysty auqymdy forum ötkızıp, Parlament deputattaryna jıbergen ūsynystyŋ oŋ baǧasyn alu.
Mädina JAQYP
