Keşe «Azamattarǧa arnalǧan ükımet» memlekettık korporasiiasy elordadaǧy Baiqoŋyr audanynyŋ tūrǧyndary üşın jaŋa Halyqqa qyzmet körsetu ortalyǧyn (HQO) aşty.
Ol Abai daŋǧyly, 80 mekenjaiynda ornalasqan. Osymen Astanada bas-aiaǧy 10 HQO jūmys ısteitın bolady.
– Taǧy bır ortalyqtyŋ aşyluy qala tūrǧyndarynyŋ taŋdau mümkındıgın arttyryp, özge bölımderdegı jūmystyŋ azaiuyna septıgın tigızedı. Ǧimarat keŋ jäne yŋǧaily bolǧandyqtan, azamattarǧa qajettı sektordyŋ bärı bar, – dedı «Azamattarǧa arnalǧan ükımet» töraǧasy Abylaihan Ospanov.
Būl jerde operatorlarǧa arnalǧan 13 jūmys üstelı, özıne-özı qyzmet körsetu sektorynda 15 jūmys orny jäne elektrondyq sifrlyq qoltaŋba berıletın 4 üstel bar. Sondai-aq azamattardy tūrǧylyqty jerı boiynşa tırkep, qūjattaryn daiyndaumen ainalysatyn migrasiialyq qyzmet mamandaryna 4 jūmys orny qarastyrylǧan.
