Bas qalada biyl abattandyru jūmystaryna erekşe nazar audarylyp otyr. Audandarda tūrǧyn alaptar körkeĭıp, qoǧamdyq keŋıstıkter zamanaui talaptarǧa saĭ jasaqtaluda.
Mäselen, «Öndırıs» tūrǧyn alabynyŋ özınde Aqbidaĭ, Kenşıler, Taĭburyl köşelerınde abattandyru jūmystary jürgızılıp, paĭdalanuǧa berıldı. Osy maqsatta tūrǧyndardyŋ talap-tılekterı eskerıldı.
Aqbidaĭ köşesınde salynǧan qoǧamdyq keŋıstıkte tūrǧyndarǧa arnalǧan arnaĭy demalys orny, jasöspırımderge arnalǧan köp funksionaldy jattyǧatyn jabdyqtar men vorkautqa arnalǧan arnaĭy sporttyq alaŋdar, büldırşınder oĭnaĭtyn qondyrǧylar ornatylyp, sondaĭ-aq futbol alaŋy salyndy. Tūrǧyndardyŋ sūranysy boiynşa salynyp jatqan basketbol alaŋy aiaqtaluǧa jaqyn. Sonymen qatar «Öndırıs» tūrǧyn alabynda jaryq diodty şamdar qoiu jūmystary da qarqyndy jürgızılude.
Baiqoŋyr audanynyŋ tūrǧyny Tatiana Kargapulova jaŋǧyrǧan aulalar köptıŋ köŋılınen şyǧatynyn aitady. «Būl alaŋdar bız üşın saiabaq. Künde osynda kelıp, tynyǧamyz. Keşke qarai kelseŋız, audannyŋ jastar, balalaryn osy jerden kezıktıresız. Negızı, būǧan deiın oinaityn, jattyǧatyn jer bolmaityn. Şynymdy aitsam, mūndai oiyn alaŋdaryn qaladan kezdestırmedım. Bır ǧana kemşın tūsy bar. Eresekterge arnalǧan ätkenşekter ornatylǧan. Alaida oǧan eşkım otyrmaidy, arasynda bıreuı qūlap, synyp jatyr. Öitkenı dūrys bekıtılmegen, jalǧanǧan jerler öte älsız. Adam otyruǧa qorqady. Dūrys jasalmaǧan, qalǧanyna köŋılımız tolady. Äkımdıkke alǧys bıldıremız» dedı ol.
Mektep oquşysy Aqbolat Raiymqūl da uaqytynyŋ köp bölıgı jattyǧu alaŋynda ötetının aitty. Indetke bailanysty qaşyqtan bılım alyp jatqandyqtan köp uaqytyn sportqa arnaidy. «Qazır üide otyryp, bılım aludamyz. Künı boiy üide otyra beruden jalyǧasyŋ… Synyptastarymyzben būryn mektepte kezdesetın edık, qazır osy sport alaŋynda jinalamyz. Bır jyl būryn qalanyŋ balalary sekıldı üiımızdıŋ aldynda jattyǧu qūraldary bolsa ǧoi dep armandaǧanym esımde. Biyl mıne armanym oryndaldy. Indetke deiın boks üiırmesıne baratyn edım. Qazır toqtap tūr. Öte igı ıs dep esepteimın. Negızı menıŋ üiıme alystau, bıraq osyǧan da rizamyn» dedı jetkınşek.
Nūr-Sūltan qalasy «Baiqoŋyr» audany abattandyru bölımınıŋ basşysy Nūrbol Aitbekov biyl audanda 11 jaŋa qoǧamdyq keŋıstık abattandyrylatynyn aitty. «2020 jylǧy qūrylys mausymynda audanymyzda auqymdy jūmystar jürgızıldı. Jalpy, «Baĭqoŋyr» audanynda 236 aula bar. Barlyǧynda türlı oĭyn alaŋdary, futbol, stritbol alaŋdary jasaqtalyp, köp funksionaldy jattyǧu qūrylǧylary ornatylyp jatyr. Bügıngı künı audandaǧy 53 aulada abattandyru jūmystary tolyǧymen aiaqtaldy. Sonyŋ ışınde biylǧy jospar aiasynda «Jastar» möltek audanynyŋ 17 aulasy abattandyrylyp, tūrǧyndardyŋ paĭdalanuyna berıldı. Sondaĭ-aq 22 aulada jöndeu-qalpyna keltıru jūmystary jürgızıldı. Aita keterlıgı, biylǧy jyly audanda 11 jaŋa qoǧamdyq keŋıstık abattandyrylady» dep tüsındırdı N.Aitbekov.
Naima NŪRALYQYZY
