Eŋ üzdık otbasy aiqyndalady

Atalǧan baiqauǧa 100-den astam otbasy ötınış berdı. «Eŋ üzdık otbasy» baiqauynyŋ kelesı kezeŋıne 82 qatysuşy joldama aldy. Ūiymdastyruşylardyŋ aituynşa, osy kezeŋnen ötken 30 otbasy odan keiıngı kezeŋge joldama alady.«Bız jarystyŋ tapsyrmalaryn kezeŋ-kezeŋımen berıp otyramyz. Būl kezeŋde erıktıler jylyna bailanysty, är otbasyǧa igılıktı ıs jasau, kömek qolyn sozu, qaiyrymdylyq jasau sekıldı tapsyrmalar berıldı. Volonterlıktıŋ jetı baǧyty bar, sonyŋ bırın är otbasy özı taŋdaidy: üi şaruasyna kömektesu, balalardy oqytu nemese t.b. qyzmetter atqarady» deidı Jastar saiasaty mäselelerı basqarmasynyŋ bölım basşysy Baqytjan Jünısbekov. Baiqau barlyq sanitariia normalaryn saqtap ötkızılıp jatyr. Sebebı barlyq qatysuşy bır ǧimaratqa jinalmaidy, tapsyrma tek onlain berıledı. Äleumettık jobanyŋ jalpy jülde qory – 1 800 000 teŋge. Alaida jüldegerlerge sertifikattar tabystalyp, sol sertifikatpen är otbasy öz şaŋyraǧyna qajettı tūrmystyq tehnika satyp ala alady. Baiqau jeŋımpazy 500 000 teŋge jeŋıp alsa, ekınşı oryn üşın – 350 000 teŋge, üşınşı oryn üşın 250 000 teŋgelık sertifikatqa ie bolady. Sondai-aq finalǧa şyqqan 7 otbasyǧa yntalandyru retınde 100 000 teŋgeden berıledı.