«Astana Arena» stadiony alaŋynda balalarǧa arnalǧan qaiyrymdylyq şarasy öttı. Psihologtar men art-terapevter balalar üiınıŋ tärbielenuşılerıne arnap kommunikativtık daǧdylardy damytuǧa jäne öz-özıne degen senımdı arttyruǧa baǧyttalǧan türlı oiyndar ūiymdastyrdy.
Aksiia baǧdarlamasyn täjıribelı mamandar äzırlegen. Art-terapiianyŋ türlı ädısterı balalardyŋ şyǧarmaşylyq äleuetın aşuǧa, oilau qabılettılıgı men qajettı äleumettık maşyqtaryn damytuǧa mümkındık berdı.
– Mūndai qaiyrymdylyq şarasy elordada alǧaş ret ötkızılıp otyr. Aksiianyŋ maqsaty – oiyn, ıs-qimyl jäne eles-qiial arqyly balanyŋ şyǧarmaşylyǧyn şyŋdau. Būl öz kezegınde balalardy äleumettık beiımdeuge jäne öz betınşe ömır süruge üiretedı, – deidı «Best for Kids» qoǧamdyq qorynyŋ prezidentı Saia Käkım.
Aita keteiık, şaraǧa astanalyqtar ǧana emes, Aqmola oblysynyŋ balalary da qatysty.
