Jedelsöz
Rimma İmanǧazinova, Astana qalalyq Balalar qūqyqtaryn qorǧau jönındegı basqarma basşysy:
– Rimma Asymqyzy, departamenttıŋ Balalar qūqyqtaryn qorǧau jönındegı basqarma bolyp qaita qūryluyna ne türtkı boldy?
– Elımızdegı memlekettık basqaru jüiesın jetıldıru maqsatynda, qala äkımdıgınıŋ 2013 jylǧy 2 şıldedegı qaulysymen Astana qalasy Balalar qūqyqtaryn qorǧau jönındegı basqarmasy qūryldy. Basqarma qyzmetı – balanyŋ qūqyqtary men bostandyqtaryn saqtau jäne qamtamasyz etu boiynşa memlekettık saiasatty ıske asyru.
– Astanada kämeletke tolmaǧan qanşa bala bar? Olardyŋ äleumettık jaǧdaiy qalai?
– 2013 jylǧy 1 qaŋtardaǧy mälımet boiynşa 214 047 kämeletke tolmaǧan bala bar. Onyŋ ışınde bılım beru mekemelerınde 376 jetım bala, 1 060 az qamtylǧan otbasy balalary, köp balaly otbasynan şyqqan 6 269 bala tırkelgen. Būl balalardyŋ barlyǧyna qoldau qajet. Qala äkımdıgı tūrmysy tömen otbasylarǧa qamqorlyq tanytyp keledı. Mäselen, olar mektepte tegın tamaqtanady. Kiım-keşek, jolaqy biletterımen qamtamasyz etılgen. Būl sanattaǧy balalar jazǧy demalys kezınde sauyqtyru lagerlerınde tegın demalady. Ömırde qiyn jaǧdaiǧa tap bolǧan, şiettei balalary bar otbasylarǧa türlı qaiyrymdylyq aksiialary arqyly järdem körsetıledı. Al, kämeletke tolmaǧandardy beiımdeu ortalyǧy 2011 jyldan berı jūmys ısteidı. Ata-ananyŋ qamqorlyǧynsyz qalǧan balalardy äleumettık-psihologiialyq qorǧau maqsatynda ortalyq janynan «Otbasylarǧa qoldau körsetu» qyzmetı qūryldy. Bügınde ortalyqta 563 bala tärbielenude.
– Aldaǧy josparlaryŋyz qandai?
– Özderıŋızge mälım, «Mektepke jol» aksiiasy aiasynda 267 oquşyǧa 3 mln 390 myŋ teŋgege materialdyq kömek körsetıldı. Aksiia kezınde kömekke mūqtaj balalardy anyqtau maqsatynda «Tüngı qaladaǧy balalar», «Saiajai», «Jasöspırım», «Kanikul», «Bala eŋbegı» jäne basqa da şūǧyl aldyn alu reidterı jürgızıldı. Astana qalasy äkımdıgınıŋ qoldauymen 24-30 tamyz aralyǧynda Käsıpkerlık jäne önerkäsıp basqarmasy arnaiy järmeŋke ötkızetın bolady. Onda balalarǧa arnalǧan mektep formasy men oqu qūraldary tömen baǧamen satylady. Sonymen qatar, «Arnauly äleumettık qyzmet körsetudıŋ ülgısın ıske asyru üşın jasalatyn bes qadam» jobasyna säikes jūmysty odan ärı jalǧastyru közdelude. Jalpy, balalardyŋ qūqyqtaryn qorǧau mäselesı boiynşa 55-67-11, 55-67-05 bailanys telefondaryna habarlasuǧa bolady.
Gülmira Aimaǧanbet
