Tüsındıru jūmystaryn jürgızudı tapsyrdy
Elordada «Jūmyspen qamtu – 2020» Jol kartasynyŋ oryndaluy baiau. Baǧdarlamany tejep tūrǧan kedergıler bar. Būl keşe Astana qalasy äkımınıŋ orynbasary Aida Balaevanyŋ töraǧalyǧymen ötken otyrysta anyqtaldy.
Naqtylap aitsaq, jūmysqa jıberuşı men jūmysqa aluşy taraptar arasynda tüsınıspeuşılık tuyndap otyr. Ekı qolyna bır kürek taba almai jürgen jūrt ta ūsynylyp otyrǧan jūmysqa barmai, taŋdau jaǧyna şyqqan. Köbısı memlekettık qyzmetke ornalasqysy keledı. Al eŋbek naryǧynda qazırgı taŋda dänekerleuşı, slesar-jöndeuşı, avtobus jürgızuşı, t.b. osyndai bas-aiaǧy 20 şaqty tehnikalyq mamandyqtar sūranysqa ie. Būl mamandyqtardyŋ jalaqysy az bolǧandyqtan, el oǧan bara bermeidı. «Jūmyspen qamtu ortalyǧy» MM basşysy Qairat Jaqypov öz baiandamasynda osyndai faktılerdı keltırdı.
Biyl Astanada qajet jūmysşy mamandyqtar boiynşa bır jyldyq oquǧa 150 adamdy jıberu josparlanǧan. Ol üşın jūmysqa jıberuşı men jūmys beruşı taraptar arasynda kelısımşart jasalady. Biudjetten qarjy bölınıp, jūmys beruşınıŋ esepşotyna audarylady. Bıraq, joǧaryda atalǧan sebeptermen oqudy
bıtırgen köpşılıgı ūsynǧan jūmysqa ornalaspaidy. Sondyqtan, oqytuǧa jūmsalǧan qarjyny jūmys beruşı qaitaruy şart. Al keiıngı tarapqa ol tiımsız ekenı belgılı. Sondyqtan, jūmys beruşı qanşa adamdy oqytqany jönındegı anyqtama qaǧazdary men eŋbek şarttaryn jūmysqa jıberuşı – Jūmyspen qamtu jäne äleumettık baǧdarlamalar basqarmasyna ūsynbaǧan. Tüitkıl osy jerden şyǧyp tūr.
Är mekeme bır adamdy jūmysqa qabyldamas būryn densaulyǧy jönınde anyqtamany sūraityny anyq. Al zaŋnamaǧa säikes densaulyq saqtau nysanynan ol anyqtamany alu üşın 2-3 myŋ teŋge kölemınde qarjy şyǧyndau kerek. Būl äleumettık jaǧdaiy tömen otbasynan şyqqan adamnyŋ qaltasyna auyr tiedı. Otyrysta halyqtyŋ az qamtylǧan tobyna būl anyqtamany tegın beru mäselesı köterıldı.
Osynyŋ bärın tyŋdaǧan Aida Ǧalymqyzy bügınderı Astana sekıldı alyp şaharda 60 şaqty ǧana jūmys beruşı mekeme bolsa, ol azdyq etetının, sondyqtan būlardyŋ sanyn arttyru qajettıgın qadap aitty. Halyq arasyna şyǧyp, būl mäsele boiynşa ügıt-nasihat, tüsındıru jūmystaryn jürgızudı tapsyrdy. Osy aidyŋ aiaǧyna deiın ıstı bır jolǧa qoiu kerektıgıne nazar audardy.
Amanǧali QALJANOV