«Astana aqşamy» jäne «Vecherniaia Astana» gazetterınıŋ 30 jyldyǧy aiasynda öttı.
Jurnalister köpşılık üşın qolynda qalamy men mikrofonyn ūstaǧan mamandar ǧana bolyp körınetını anyq. Al şyn mänınde sol jurnalister jan-jaqty bolatynyn, öner men sportqa da erekşe qabılettı ekenın eskere qoimaidy. Biyl jetınşı ret ūiymdastyrylǧan BAQ Liga chempionaty osy sözımızdıŋ dälelı desek qatelespeimız.
BAQ Liga chempionaty jyl saiyn ekı ret jurnalisterdıŋ basyn qosatyn tartysty da qyzyqty bäsekege ainaldy.
Biylǧy chempionat «ELORDA AQPARAT» JŞS qoldauymen ūiymdastyrylyp, jarys jeŋımpazdary men jüldegerlerıne, üzdık oiynşylarǧa syilyqtar taǧaiyndaldy. Üş aiǧa sozylǧan jarystyŋ qorytyndysynda, «A» ligasynda «Habar» – jeŋımpaz, «Qazaq radiolary» – kümıs jüldeger, «Astana TV» komandasy qola medal enşıledı.
Al būǧan deiın BAQ Liga chempionatynyŋ «V» ligasynda chempion bolǧan, «A» ligasynda kümıs pen qola jüldeger atanǧan «Elorda Aqparat» komandasy ekınşı oryn üşın «Habar 24» komandasymen kezdesıp, «elordalyqtar» 7:2 esebımen jeŋıske jetıp, kümıs jüldeger atandy. Bas jüldenı chempionatqa bırınşı ret qosylǧan Qorǧanys ministrlıgınıŋ «DİK MO» komandasy ielendı. BAQ Liga chempionatynyŋ üzdık oiynşylary qatarynda Eltai Nūrǧazin men Aian Bekjanūly sekıldı ärıptesterımızdıŋ atalǧany «Elorda Aqparat» ūjymy üşın maqtanyş bolǧany sözsız.
Chempionattyŋ jeŋımpazdary men jüldegerlerın ataqty futbolşy, Qazaqstan ūlttyq qūramasynyŋ jäne «Astana» futbol komandasynyŋ eks-kapitany Qairat Nūrdäuletov pen «Elorda Aqparat» JŞS kompaniiasynyŋ direktory Jarqyn Jūmadılov marapattady.
Sonymen, üş aiǧa jalǧasqan BAQ Liga chempionatynyŋ bırınşı mausymy da märesıne jettı. Al jazǧy jarys COVID-19 jaǧdaiyna bailanysty ötpei qaldy. Eŋ bastysy, jurnalister bäsekesı jalǧasa bersın demekpız.
