Bas qalanyŋ qūrdastary
Astananyŋ mereitoiy qarsaŋynda bas qalanyŋ qūrdastary bas qosty. Qazaqstan Respublikasynyŋ Tūŋǧyş Prezidentı – Elbasy kıtaphanasy muzeiınde ötken şarada jastar özderınıŋ jetken jetıstıkterı men tabystary turaly baiandap berdı.
Bılım ordalarynda oqyp jatqan elordalyqtar 1998 jyly tuǧan. Mäselen, Aida Beisova Astananyŋ köşıp kelgen künı – 10 jeltoqsanda düniege kelgen. Şyǧarmaşylyqqa jaqyn boijetken sūlulyq baiqauyna qatysyp, 2005 jyly «Astananyŋ kışkentai sūluy» atandy. Al Fiestalonia – Kazakhstan halyqaralyq än konkursynyŋ estrada vokaly atalymynda jeŋıske jettı.
Türlı öner baiqaularynan jüldelı oralatyn Aida nemıs jäne aǧylşyn tılderın meŋgergen. Odan bölek, naqty ǧylymdarǧa da qyzyǧuşylyǧy bar. Bügınde ol S.Seifullin atyndaǧy Qazaq agrotehnikalyq universitetınde esep jäne audit mamandyǧy boiynşa 3-kursty tämamdady. Aldaǧy josparyŋ qandai degen sūraqqa ol «Şet tılderın jetık meŋgerıp, magistraturaǧa tüsudı qalaimyn. Elge oralǧan soŋ, talmai eŋbek etkım keledı. Bolaşaqta özımdı ıske myǧym, myqty maman ärı otbasynyŋ oşaq iesı retınde köremın. Elordada tūryp, örkendegım keledı» dep jauap berdı.
Al Nazarbaev universitetınıŋ studentı Azamat Äbdıǧaliev özı bılım alyp jatqan oqu ordasy men Astananyŋ ortaq qasietterın sipattap berdı.
– Nazarbaev universitetı men Astanany sapa men bılım, damu kökjiegı bailanystyrady. Memleket basşysy N.Nazarbaevtyŋ bastamasymen qūrylǧan bızdıŋ universitet qazırgı taŋda TMD aumaǧyndaǧy bäsekeles oqu ornynyŋ bırıne ainaldy. Bızdıŋ elorda da, universitet te bır ornynda tūrǧan joq, damyp keledı. Qazırgı taŋda bızdıŋ oqu ornynda jaŋa mamandyqtar aşylyp jatyr, älemnıŋ eŋ myqty ǧalymdary mūnda sabaq beredı. Universitet tülekterı älemnıŋ eŋ ozyq AQŞ jäne Europa universitetterınde oquyn jalǧastyryp, jetekşı kompaniialarda jūmys ısteidı. Būl – bız üşın maqtanyş, – dedı Azamat Äbdıǧaliev.
Astanalyq «Qar barysy» jastar komandasynyŋ hokkeişısı Iаn Kalinovskii «Būl qalada menıŋ atajūrtym – Ūly Otan soǧysynyŋ ardagerlerı tuyp-östı. Sondyqtan menıŋ şejırem – elordanyŋ bır bölşegı» deidı. Astananyŋ tüidei qūrdasy Iаn hokkeimen ainalysyp jürgen aralyqta elordanyŋ zamanaui ortalyqtary, sporttyq keşenderı boi kötergenın eske aldy.
Elordamen bırge ösken Elbarys Seiıtjaǧappar bolsa «Astana – bızdıŋ ortaq maqtanyşymyz. Būl qalada bılım alyp, jūmys ıstep, ömır süru – ülken baqyt» dep esepteidı.
Astana – bolaşaqtyŋ qalasy, jalyndap tūrǧan jastardyŋ qalasy. «Astana aqşamy» redaksiiasy jiyrmaǧa tolǧan jastardyŋ joly ärqaşan aşyq bolsyn dep tıleidı.