Elımızde elektrondyq ükımet jüiesı engızılıp, ortalyq basqaru organdary men memlekettık mekemeler basşylarynyŋ jeke blogy aşylǧanda bilık pen būqaranyŋ arasy bır taban jaqyndady dep quanǧanymyz esımızde.Rasymen de osy virtualdy älem ömırımızge kelgelı memlekettık qyzmetterge qatysty bıraz jūmystar jeŋıldep, uaqytymyz ünemdeldı. Aitalyq, būryn balabaqşaǧa tırkelgen balamyzdyŋ kezegı qalai jyljyp jatqanyn bılu üşın Bılım basqarmasyna sabylatyn edık. Qyl aiaǧy, bır japyraq anyqtama alu üşın de bırtalai mekemenıŋ tabaldyryǧymen qosa jüikemızdı de tozdyratynbyz. Al, qazır osy şarualardyŋ barlyǧy elektrondy jüiege köştı. Üide otyryp-aq memlekettık organdarǧa sūranys jıberıp, qajettı qaǧaz, anyqtamalardy äp-sätte aluǧa bolady.
Būl qyzmet türı halyqqa paidaly ǧana emes, memlekettık organdardyŋ jūmys ısteu deŋgeiın ainadai körsetıp beretın jaqsy aqparattyq qūralǧa da ainalyp otyr. Qazır kez kelgen mekemenıŋ saityn aşsaŋyz, olardyŋ jūrtşylyqpen qanşalyqty jūmys ıstep jatqanyn bırden bıle qoiasyz.
Astana qalasynda elmen etene jūmys ısteitın sait – elordalyq äkımdıktıŋ saity. Būǧan künıne 150-ge juyq sūraq kelıp tüsedı eken. Barlyǧyna der kezınde jauap berılıp, mäselege bailanysty tiıstı şara qoldanylady. Astanalyqtarǧa eŋ tanymal sait osy. Al, kerısınşe, astanalyq basqarmalardyŋ saittarynyŋ belsendılıgı tömen. Olarǧa tūrǧyndardan sūraqtar üiılıp kelıp, basşylaryŋ oǧan aq ter, kök ter bolyp jauap jazyp jatqanyn körmeisıŋ. «Sen timeseŋ, men timen, badyraq köz» dep jatqan bır mylqau älem. Tıptı mäselesı şaş-etekten bolyp jatatyn Bılım, Densaulyq saqtau, Jer qatynastary basqarmalarynyŋ özınde bırer aida bırlı-jarym ǧana sūraq kelıp tüsken. Qalǧan basqarmalardyŋ «sūraq-jauap» bölımı mülde bos jatyr. Sonda eldı tolǧandyratyn mäsele qalmaǧan ba, älde küllı basqarma bır Astana äkımdıgınıŋ saityna senıp alǧan ba?
Qarapaiym halyqtyŋ mekeme basşysyna tıkelei kırıp, mūŋ-mūqtajyn aituǧa mümkındıgı az. Qabyldauǧa aldyn ala jazylu bırtalai uaqytty qajet etedı. Al, memlekettık mekemelerdıŋ saity osynyŋ ornyn toltyruǧa tiıs-tın. Bıraq basqarmalardyŋ halyqqa arnalǧan elektrondy qyzmetı öz mındetın tiıstı deŋgeide atqara almai otyr. Sait arqyly jūrtşylyqpen bailanys ornatyp, olardy qandai mäsele tolǧandyratynyn bılgısı keletın basşynyŋ joqtyǧy qynjyltady. Är mekeme jeke saittaryna jete köŋıl bölıp, halyqpen tıkelei dialogtyq alaŋ qūrudy dästürge ainaldyrsa deimız.
Qymbat TOQTAMŪRAT
