Karantindegı jaǧdai saiabaǧy men gülbaǧy joq şaǧyn audandarda ömır süru qiyn ekenın körsettı. #ANTIKOR.LIVE jobasy aiasyndaǧy onlain-dialog kezınde «Astana – adaldyq alaŋy» jobasynyŋ jetekşısı, elorda äkımınıŋ keŋesşısı, qalalyq mäslihat deputaty Miras Şekenov astanalyq säuletşılerdı tūrǧyndardyŋ ömır süruı üşın «neǧūrlym qolaily» jaǧdai jasauǧa ündedı.
– Men astanalyq säuletşılerden qalany tūrǧyndardyŋ ömır süruıne qolaily etıp saluǧa şaqyramyn. Ol tek qalanyŋ ekonomikasy, qoǧamdyq keŋıstıkterı arqyly ǧana emes, baspana qūrylysy arqyly da jasalady. Eşkımnıŋ de ülken qūmyrsqa ileuınde ömır sürgısı kelmeidı. Karantin jaǧdaiy qoljetımdı jerde gül baǧy, saiabaq jäne basqa da aşyq keŋıstıkter bolmasa, halyqtyŋ zäulım üiler şoǧyrlanǧan abajadai audandarda ömır süruı qiyn ekenın körsettı, – dedı M.Şekenov.
«Astana qala säuletı» JŞS direktory Nūrjan Kenjebekov öz kezegınde qalanyŋ Bas josparynda jaŋadan salynatyn saiabaq, gülbaq jäne mektep qūrylysy bar ekenın jetkızdı. Aldaǧy uaqytta Nūr-Sūltan qalasynda 54 qoǧamdyq keŋıstık aşu jobalanǧan. Onyŋ aituynşa, astanalyq bilık äleumettık nysandardy salu üşın memlekettık-jekemenşık ärıptestık (MJÄ) şartymen jeke biznestı qatystyrudy közdeidı. Mäselen, elordada MJÄ şartymen 30 orta oqu ornyn salu josparlanǧan.
