Ystanbūl tarihyna – 565 jyl
Türkiianyŋ Ystanbūl qalasy mamyrdyŋ 30-ynda özınıŋ 565 jyldyǧyn atap öttı. Osmanly şerıkterı onyŋ osynşa uaqyt būryn Konstantinopol bolyp tūrǧan kezınde basyp alǧan edı.
Qala meriiasy merekenı eskı şehir maŋyndaǧy Altyn müiız ailaǧynyŋ ortasynda ötkızdı. Saltanatty jiynda Türkiia prezidentı Redjep Taiip Erdoǧan söz alyp, otandastaryn osy tarihi datamen qūttyqtady.
Merekelık baǧdarlama keşkı auyzaşar – iftardan bastaldy. Sodan keiın «Halich» kongress-
ortalyǧyndaǧy aşyq alaŋda türık klassikalyq muzykasynyŋ hory – tasavvuf öner körsettı. Mūnyŋ artynşa Ystanbūldy jaulap aluǧa arnalǧan qoiylym berıldı. Būdan ärı Türkiia äskeri orkestrı – mehteranǧa kezek keldı.
Duman soŋy Bosfor būǧazy üstınde orasan zor auqymda jaryq şaşatyn şouǧa ūlasty. Saltanat şeŋberınde sondai-aq Türkiianyŋ 1453 jyldan bastalatyn tarihy turasynda syr şertetın filmnıŋ körsetılımı boldy.
Hanoi ekı qatarly avtobusty qatarǧa qosty
Vetnamnyŋ bas qalasy – Hanoida ekı qatarly oryndyqtary bar jolauşylar avtobusy jolǧa şyǧa bastady.
Avtobustardyŋ marşruty mamyr aiynyŋ soŋǧy künı resmi türde aşyldy. Ol qalanyŋ 13 aialdamasyna toqtap, 25 köşesı men eŋ körıktı 30 jerın aralap ötedı.
Avtobustar taŋerteŋgı saǧat 9:00-de reiske şyǧyp, ony 18:00-de aiaqtaidy. Ol är 30 minut saiyn kelıp tūrady. Salonnyŋ üstıŋgı qabaty aşyq boluy turisterdıŋ qalany tamaşalap, suretke tüsırıp alyp tūrularyna mümkındık beredı.
Dubai dizainy daiyn
Bırıkken Arab Ämırlıgınıŋ bas qalasy – Dubai özınıŋ aldaǧy 2018-2021 jyldarǧa arnalǧan dizainyn jasatyp, bekıtıp aldy.
Tört jyldyq dizainy baǧdarlamasyna qala qūrylysy josparyndaǧy şyǧarmaşylyqty damytuǧa jäne halyqaralyq deŋgeidegı ärıptestıktı yntalandyruǧa baǧyttalǧan tüiındı jobalar kıredı.
Munisipalitettıŋ ärıptestıktı damytu jönındegı departamentınıŋ basşysy Hadjar Äl-Saffar myrza ükımettıŋ memleket tarapynan körsetıletın qyzmettı reformalau strategiiasy şeŋberınde qazırgı körsetılıp otyrǧan qyzmet şarttaryn qaita qarap, qoǧamǧa paida keltıruge jäne mümkındıkterı şekteulı kısılerge, qarttar men balalarǧa baǧyttauǧa yqylasty ekenın mälımdedı. Mūndaǧy tüiındı bastamalardyŋ bırı älemnıŋ barlyq tükpırınen bılım almasatyn jäne jaŋa jobalardy ıske qosatyn sarapşylar men dizainerler aldyratyn ūlttyq dizain ortalyǧyn qūru bolyp otyr.
Aldaǧy qyrküiek aiynda sondai-aq Dubai dizain jäne innovasiia instituty esıgın aiqara aşady. Joǧary oqu orny Jer şarynyŋ är qiyrynan keletın 35 myŋ studentke arnalady. Onda qoǧamnyŋ barlyq salalaryna innovasiia jasap, engızetın baǧdarlama boiynşa bılım berıledı.
Dubaida sonymen qatar dizain jönındegı keŋes te qūrylǧaly tūr. Būǧan qosa, qalada tört jyldyq innovasiia jäne dizain festivalı ötkızılıp tūratyn bolady. Onyŋ aiasynda ärtürlı dizaindar jasalyp, üzdık kadrlar qatarǧa tartylady.
Varşava aviahabqa aŋsaryn audardy
Polşa prezidentı Andjei Dudanyŋ şeşımımen Varşavada Europadaǧy eŋ ülken aviahab salynatyn boldy.
Jaŋa aeroport Varşava jäne Lodz qalalarynyŋ ortasynda, Stanislavuv qalasy maŋyndaǧy Baranov kommunasynda boi köteredı. Onyŋ Europadaǧy eŋ ülken transfer ortalyǧy bolǧaly tūrǧany da ras.
Äuejaidyŋ bırınşı kezeŋınıŋ qūrylysy salynyp bıtkennen keiın onda jylyna 45 mln jolauşyǧa qyzmet körsetıledı. Onyŋ qūrylymy 2027 jyly tolyq bıtedı. Sol kezde ötetın jolauşy sany 100 millionǧa deiın barady.
Taşkent üş deŋgeilı jolǧa şyqty
Özbekstan prezidentı Şavkat Mirziioev Taşkenttıŋ Iаşnabad tumanynda salynatyn üş deŋgeilı jol qūrylysynyŋ jobasymen tanysty.
Qūbyr sekıldı bolyp üşke bölınıp şyǧatyn jol özbek baitaǧynyŋ Maqtymqūly köşesı men Ahangaran tas jolynyŋ qiylysqan jerın, şahardan syrtqa şyǧar aumaqty alyp jatyr. Ol jürgızuşılerdıŋ jol qauıpsızdıgın qamtamasyz etulerıne yŋǧaily jaǧdai jasau üşın salynady.
Özbekstan prezidentı baspasöz qyzmetınıŋ mälımetıne qaraǧanda, Ahangaran tas joly men Parkent köşesınıŋ aralyǧyna tonnel salynsa, Maqtymqūly jäne Temır Mälık köşelerınıŋ ortasyn jol qūbyry jalǧastyrady. Būl kölık bailanysy torabyn jasaudaǧy basty maqsat Şarvak pen Şymǧandy damytuǧa jaǧdai jasau bolyp otyr.
Qazır būl taraptaǧy jalǧyz jol Şyrşyq qalasy arqyly ötedı. Sondyqtan jazǧy tynyǧu mausymynda būl ūlan joldyŋ boiy ünemı keptelıske tolyp tūrady. Jaŋa joldar jüiesı osy mäselenı oŋtaily şeşuge tiıs.
Eva būrylysy – Tbilisi parolı
Ärbır qalanyŋ aumaǧynda sonda tūratyn tūrǧyndarǧa ǧana aian özıne tän belgılerı men ataulary bolady. Ondai mezırettı müiıster Gruziianyŋ astanasy – ejelden kele jatqan Tbilisi qalasynda da bar.
Jurnalist Ekaterina Mikaridze solardyŋ bırı – «Haua būrylysy» turaly söz etıp, onyŋ qalai paida bolǧanyn äŋgımeleidı. Tbilisi tūrǧyndary arasynda köp kezdesetın «Qaida barasyŋ?» degen saualǧa keide «Evas pavarotşi», iaǧni «Eva būrylysyna» degen jauap alyp tūruǧa bolady.
Jurnalist osyndaǧy Evanyŋ kım ekenın bılmek bolyp, sol aitylǧan jerge arnaiy barady. Mäsele mynada, qalada tap sondai būrylys joq, ol tūrǧyndar arasyndaǧy parol siiaqty närse eken.
Sonymen, tılşı sūrastyra kelıp, Mardjanişvişli köşesındegı bır aulaǧa kelıp kıredı.
– Eva? Onyŋ şyn esımı –
Donara. Sızdı de Eva qyzyqtyra ma? – dep küle jauap qatady gruzin äiel oǧan.
– Ondailar köp pe?
– Soŋǧy kezderı bızdıŋ aula turister köptep keletın qasiettı orynǧa ainaldy. Jūrttyŋ bärı Evanyŋ kım ekenın bılgılerı keledı. Oǧan mūndai qyzyǧuşylyq tuuynyŋ özı qyzyq. Şamasy, sondai närse sänge ainalsa kerek. Al bızdıŋ Eva alypsatar äiel boldy.
– Bızdıŋ Evanyŋ aty saudagerlıkpen tanyldy, – deidı äiel. – Bıletın bolsaŋyz, keŋes zamanynda ondailar zaŋmen quǧyndaluşy edı ǧoi. Ol ekınşı qabatta tūrdy. Bıraq saudamen ainalyssa da, barynşa aşyq, qaiyrymdy boldy. Ūlty evrei äiel kiım-keşek satuşy edı. Qarsy qabyrǧada armiandar tūrdy, olar zergerlık būiymdar satumen ainalysty.
Alaida, «Evanyŋ būrylysy» degen söz tırkesınıŋ qaidan şyqqanyn eşkım aiyryp aityp bere almaǧan. Şamasy, saudager Donara men osy töŋırektı bıletınder syrt közden saqtanu üşın būl aulany osylai atasa kerek.
Keiın kele-kele būl parol özınıŋ mänın joǧaltyp alǧan. Onyŋ ornyna basqa dörekıleu ataular taŋyla bastaǧan. Al Evanyŋ şaŋyraqta qalǧan qyzy būl jerden qalanyŋ Ortachala degen audanyna köşıp ketken.
Söz bolyp otyrǧan kelıstı üi 1875 jyly salynǧan eken.
