Esıl audanynda Qazaqstan Respublikasy Prezidentı Qasym-Jomart Toqaevtyŋ «Syndarly qoǧamdyq dialog – Qazaqstannyŋ tūraqtylyǧy men örkendeuınıŋ negızı» taqyrybyndaǧy Qazaqstan halqyna Joldauyn talqylau maqsatynda audan aktivterınıŋ jinalysy öttı.
Audan äkımı Berık Jäkenovtıŋ qatysumen ötken şaraǧa elordalyq basqarma basşylary, qalalyq mäslihat deputattary jäne audan belsendılerı de qatysty. Jinalysta baiandamaşylar Prezident Joldauyndaǧy jūrt airyqşa nazar audaryp otyrǧan jarqyn tüiınderge toqtalumen qatar, otandastarymyz köp köŋıl böletın jürekjardy mäselelerdı de atap öttı. Joldauda aitylǧan halyqty tūrǧyn üimen qamtamasyz etu, azamattardyŋ qūqyǧy men qauıpsızdıgın qamtamasyz etu, bılım beru salasyn damytu syndy tolǧaqty tüiınderge basymdyq beru halyqtyŋ köŋılınen şyǧyp, bolaşaqqa degen senımderın arttyra tüskenın aitty.
Memlekettık organdardyŋ jūmysy aiqyn boluy kerek. Öz ärıptesterıme qalalyq mäslihat pen Parlamenttıŋ sessiiasyna keludı ūsynamyn. Bız öz elımızdıŋ tırşılıgıne belsene aralasuǧa tiıspız. Al qalalyq basqarmalar men äkımdık jūmysyn, onyŋ ışınde audandyq äkımdık jūmysyn baǧalau jüiesı jaqsy bastama dep sanaimyn,- dedı Prezident janyndaǧy Adam qūqyqtary jönındegı komissiianyŋ müşesı Baian Ahmetjanova.
Baiandamaşylar öz oilaryn ortaǧa sala otyryp, Qazaqstandaǧy tūraqtylyq pen el ekonomikasyn jandandyru, halyq tūrmysyn jaqsartu jönınde jasalǧan naqty qadamdar el erteŋıne airyqşa äser etetının erekşe atap öttı. Sondai-aq joldauda aitylǧan mäseleler bır-bırlep jüzege asyrylyp, halyqtyŋ şynaiy igılıgıne ainalatynyna senımdımız dep tüiındedı.
