Memleket basşysy Qasym-Jomart Toqaev özınıŋ «Ädılettı Qazaqstannyŋ ekonomikalyq baǧdary» atty Qazaqstan halqyna Joldauynda ūlt äleuetın arttyru mäselesıne erekşe toqtaldy.
Joldaudyŋ basym baǧyty ekonomikaǧa baǧyttalǧanymen, barlyq ekonomikalyq ıs-şaralardyŋ nätijesı halyqtyŋ jaǧdaiyna tıkelei äser etuı tiıs. «Elımızdıŋ basty qūndylyǧy – adam» dedı Prezident biylǧy Joldauynda. Osyǧan orai men jetekşılık etetın «Astana su servis» PİK-ı tūrǧyndardyŋ sapaly ömır süruıne barynşa män berıp keledı. Qazır kez kelgen adam päterınde jaryqtyŋ sönbeuın, sudyŋ täulık boiy toqtausyz aǧyp tūruyn, üi maŋynyŋ qoqystan arylyp, ǧimarattyŋ qasbetı men ainalasynyŋ sanitarlyq normalarǧa säikes boluyn, aumaqtyŋ zaman talabyna sai kögaldandyryluyn, tıptı balalarynyŋ alysqa barmai-aq esık aldynda alaŋsyz oinaǧanyn qalaidy. Būl rette bız elordalyqtardyŋ jaily ärı qauıpsız ortada ömır süruıne qoldan kelgenşe jaǧdai jasaudamyz.
Bızdıŋ PİK bügıngı taŋda 488 päterden tūratyn segız üige qyzmet körsetedı. 2020 jyly tūrǧyn üi-kommunaldyq şaruaşylyǧyn jaŋǧyrtu baǧdarlamasy boiynşa kıreberıstı jöndeu jürgızılıp, 2021 jyly şatyr jabyny jöndeldı. Tūrǧyn üilerde nasostar auystyrylyp, jylu almastyrǧyş juyldy. Aumaqty kögaldandyru maqsatynda özımızge qarasty üilerdıŋ maŋyna 35 şyrşa, 10 qaiyŋ, 15 qara aǧaş otyrǧyzyldy. Jyl saiyn 400-ge juyq tüp gül egemız. Audan äkımdıgınıŋ kömegımen balalar alaŋy abattandyryp, asfalt töseldı. Jalpy, bızde tuyndaǧan kürdelı mäsele joqtyŋ qasy. Būl, ärine, jūmysty dūrys üilestırudıŋ nätijesı bolsa kerek.
Qazaqstan Prezidentı «Ädılettı Qazaqstan» men «Adal azamat» siiaqty ūǧymdardyŋ qoǧamymyzda basymdyq tanytuy tiıs ekenın atai kelıp, ärtürlı deŋgeidegı basşy mamandardyŋ jeke jauapkerşılıkterın arttyrudy tapsyrǧan bolatyn. Būl rette Memleket basyşysynyŋ pıkırın tolyqtai qūptaimyn. Prezidenttıŋ eŋ tömengı jalaqy deŋgeiın 60 myŋ teŋgeden 70 myŋ teŋgege deiın köteru turaly şeşım qabyldaǧany jäne osy şeşım 1,8 million azamattyŋ tabysyna tıkelei äser etetını quantady.
Är otbasy üşın bala kütımındegı demalystyŋ näreste bır jarym jasqa tolǧanǧa deiın ūzartyluy da köŋılden şyqqany şyndyq. Ärine, kez kelgen ata-ana säbiınıŋ janynda köbırek boluy kerek. Sondai-aq Ūlttyq qordyŋ jyl saiynǧy investisiialyq tabysynyŋ 50 paiyzyn balalardyŋ arnauly jinaqtauşy esepşotyna audarudy ūsynuy da barşa qazaqstandyqtar üşın jaǧymdy jaŋalyq boldy. Qarjy är bala 18 jasqa tolǧanǧa deiın audarylyp tūrady, ony merzımınen būryn esepşottan şyǧaryp aluǧa bolmaidy. Jinaqtalǧan qarjy balalar kämelet jasyna tolǧannan keiın olardyŋ baspana nemese bılım aluyna jūmsalatyn bolady. Būl qarajat öskeleŋ ūrpaqtyŋ ülken ömırge qadam basuyna mümkındık beredı. Osynşama igılıktıŋ bärı elımızdıŋ azamattary üşın jasalyp jatqany köŋılımızdı köterıp-aq tastady.
Eldıgımızdı qorǧaudyŋ eŋ basty joly – berekelı bırlık ekenın eskergen Memleket basşysy halqymyz tatulyq pen tūraqtylyqqa erekşe män bergenın, ony bärınen biık qoiǧanyn jäne däl osy kezde bır jaǧadan bas, bır jeŋnen qol şyǧara bıluımız kerek ekenın basa aitty. Būl bastamalar elımızdıŋ bolaşaǧyn aiqyndaidy. Sondyqtan, qazırgı kezde ūlt müddesı üşın ūiysyp, bırıguge tiıspız. Erteŋımızge alaŋdaǧan el prezidentınıŋ jaŋa bastamalaryna qoldau bıldırıp, jüktegen mındetterge jauapkerşılıkpen qarap jäne onyŋ oryndaluyna bırlese atsalysaiyq.
Talşyn UTEUOVA,
«Astana su servis» PİK töraǧasy
