Elbasy Nūrsūltan Nazarbaevtyŋ jyl saiyn halyqqa arnaityn Joldaularynyŋ qaisysyn alyp qarasaŋyz da, äleumettık maŋyzdylyǧy men belgılı merzımde naqty mındetter men mäselelerdıŋ şeşıluın qamtamasyz etuge baǧyttalǧanyn baiqaimyz. Bas qūjattyŋ biylǧysynan da osy tūrǧydan sipatty körıp otyrmyz: älemde oryn alǧan saiasi şielınıstermen qatar kelgen jahandyq qarjy daǧdarysynyŋ qarsaŋynda ılgerıleudıŋ jospary baiandalǧan.
İä, Joldau joldarynan köp närsenı ūqtyq, baǧdarymyzdyŋ aiqyndyǧyna közımız jete tüstı, keleşegımızdıŋ kemel bolatynyn bıldık. Endıgı kezekte, halyq bolyp jūmylyp, Joldaudy ıske asyryp, qoldauymyz kerek.
«Nūrly jol – bolaşaqqa bastar jol» atty bas qūjattyŋ basty erekşelıgı jahandyq koniukturalar özgerıske ūşyrap, qarjylyq daǧdarys qaupı tuyndaǧan tūsta äleumettık salany ūlttyq qor arqyly quattandyryp, «Qazaqstan – 2050» strategiiasyn odan ärı qalyptastyru bolyp qala bermek.
Memleket basşysy osy Joldauda barlyq qazaqstandyqtar arasyndaǧy senımdı nyǧaityp, tolysqandyqtyŋ jahandyq synynan ötu üşın jūdyryq bolyp bırıgudı, özara bırlıktı nyǧaitudy erekşe atap öttı.
Ūlt köşbasşysy öz sözınde: «Tūraqtylyq pen kelısım degenımız ne? Ol otbasylyq äl-auqat, qauıpsızdık, baspana. Beibıtşılık – ol äke men ana quanyşy, ata-analar densaulyǧy jäne bızdıŋ balalarymyzdyŋ baqyty. Beibıtşılık – ol tūraqty jūmys, jalaqy jäne erteŋgı künge degen senım. Beibıtşılık pen tūraqtylyq – kün saiynǧy eŋbekpen qorǧap, nyǧaitudy qajet etetın jalpyhalyqtyq jetıstık» dedı.
Şyn mänınde el Täuelsızdıgınıŋ arqasynda, eldegı san ūlt pen ūlystyŋ özara bırlıgınıŋ arqasynda ata-babamyz aŋsap ketken mäŋgılık mūrattarǧa qol jetkızdık, Euraziia kındıgı, elımızdıŋ jüregı bolǧan, äsem şahar – Astanany tūrǧyzdyq.
Özderıŋız bılesızder, Qūrannyŋ «İbrahim» süresınıŋ 7-şı aiatynda Alla taǧala: «Menıŋ bergen nyǧmetterıme şükırlık etseŋder, älbette olardy arttyra tüsemın» dep eskertedı.
Halqymyz qanşama aumaly-tökpelı zamandardy da, neşe türlı näubetterge duşar etken bodandyqty da bastan ötkerdı. Alla Taǧalaǧa şükır, äiteuır «myŋ ölıp, myŋ tırılgen» ūltymyz täuelsızdıkke qoly jetıp, ata-baba dınımen de qaita qauyşty.
Allaǧa sansyz madaqtar bolsyn, elımızde meşıt-medreseler sany jyl saiyn köbeiıp keledı. Qazırgı taŋda Astana qalasynyŋ özınde 8 meşıt, 1 medrese qyzmet jasauda. Meşıtterımız jamaǧatqa toly. «Astana» medresesınde qazırgı taŋda jalpy sany 120 şäkırt bılım alyp jatyr.
Sondai-aq biylǧy oqu jylynda orystıldı imamdardy daiyndaityn arnaiy orys toby aşyldy. Atalǧan topta keleşekte halyqqa nasihat jürgızıp, asyl dınımızdıŋ qūndylyqtaryn orys tılınde jetkızetın bolaşaq 14 teolog-mamandar, imamdar daiarlanuda.
«Mäŋgılık El» ideiasyn qalyptastyruda, HHI ǧasyrdaǧy türlı kedergılerdı eŋserıp, bäsekege qabılettı älemdegı 30 eldıŋ qatarynan oryn alu jolynda ata-babamyzdan miras bolyp kele jatqan dästürlı dınımızdıŋ orny öte zor.
Sebebı, «Qazaqstan-2050» stretegiiasynda Elbasymyz: «Bız – mūsylmanbyz, onyŋ ışınde – Äbu Hanifa mazhabyn ūstanatyn sünnittermız» dep, ūlttyq qūndylyqtarǧa negızdelgen hanafi mäzhabynyŋ maŋyzdylyǧyna erekşe toqtalǧan edı.
Biyl Astana qalasynda asyl dınımızdı dästürımızben naqyştaityn bır qatar auqymdy ıs-şaralar ūiymdastyryldy.
Elbasymyz: «Jalpyūlttyq ideiany ömırşeŋ etetın – eldıŋ bırlıgı. Auyzbırşılık qaşqan, alauyzdyq tasqan jerde eşqaşan da jalpyūlttyq ideialar jüzege asqan emes. Qazaqstannyŋ şyqqan şyŋy men baǧyndyrǧan biıkterınıŋ eŋ basty sebebı – bırlık, berekesı» dep, barşa qazaqstandyqtardy özara bırlık pen tatulyqty tu etıp, biık maqsattardy eŋseruge ündedı.
Qazaqta «Eldıŋ qamyn er oilar, erdıŋ qamyn el oilar» degen ataly söz bar. Asyl dınımızdıŋ şariǧat şarttarynyŋ bırı de – basşyǧa moiynsūnu, baǧynu bolyp tabylady. Olai bolsa, bırlıgı jarasqan elımızdıŋ abyroiyn odan saiyn asqaqtata tüsetın Elbasy Joldauyna, Qazaqstan mūsylmandary dıni basqarmasynyŋ 2020-şy jylǧa deiıngı Tūjyrymdamasyna qoldau körsetıp, jūmyla ıske asyruymyz qajet.
Laiym, Alla taǧala täuelsız elımızdıŋ kögınde jelbıregen kök bairaǧyn baiandy etıp, nūrly bolaşaqqa bastar tura joldan adastyrmasyn!
Nauryzbai qajy Ötpenov,
Qazaqstan mūsylmandary dıni basqarmasynyŋ naib müftiı,
«Nūr Astana» ortalyq
meşıtınıŋ bas imamy
