Biyl qalalyq tūrǧyn üi qoryna kezekke tūrǧan 677 adamǧa päter berıledı. Olardyŋ qatarynda soǧys ardagerlerı, jetım balalar, memlekettık qyzmetkerler men äleumettık az qamtylǧan otbasylar bar.
Qala äkımdıgınde qolǧa alynǧan qūrylymdyq özgerısterden keiın Tūrǧyn üi kommunaldyq qory Jūmyspen qamtu jäne äleumettık qorǧau basqarmasyna qaraityn boldy. Mekeme basşysynyŋ mındetın atqaruşy Artem Äbıldinov atalmyş qor tūrǧyn üi qorynyŋ jaǧdaiyn baqylaudy jaqsartu maqsatynda qūrylǧanyn mälımdedı. Onyŋ aituynşa, jalpy elordada jyl soŋyna deiın myŋnan astam päter paidalanuǧa berıledı.
«Aumaǧy 22,58 myŋ şarşy metr bolatyn 364 päter «Tūrǧynüijinaqbankınıŋ» salymşylaryna, 80 päter «Qazaqstan ipotekalyq kompaniiasynyŋ» baǧdarlamasy boiynşa berıledı. Al kölemı 38 myŋ şarşy metr bolatyn 677 päter kezekte tūrǧandarǧa ülestırıledı» deidı A.Äbıldinov.
