«Qazaqstan Halyq bankı» AQ Astana öŋırlık filialynda şaǧyn jäne orta biznestı jandandyryp, būqaralyq käsıpkerlıktı damytu maqsatynda seminar öttı.
Seminarǧa Käsıpkerlık jäne önerkäsıp basqarmasynyŋ mamandary men «Damu» käsıpkerlıktı damytu qory men «Atameken» ūlttyq käsıpkerler palatasy jäne basqa da bırqatar kompaniialardyŋ ökılderı, biznes bastauşylar men täjıribelı käsıpkerler qatysty.
Jiyn barysynda Memleket basşysynyŋ tapsyrmasy boiynşa jüzege asyrylǧan būqaralyq käsıpkerlık baǧdarlamasy turaly keŋınen aityldy. Atalmyş baǧdarlama boiynşa kez kelgen käsıpker nemese biznes bastauǧa nietı barlardyŋ Qazaqstandaǧy ekınşı deŋgeilı tört bankten 18 mln teŋgege deiın 6 paiyzdyq nesie aluǧa mümkındıgı bar. Ol bankter: «Qazaqstan Halyq bankı» AQ, «Sberbank Qazaqstan» AQ, «ATF bank» AQ jäne «Nūrbank» AQ. Mūndai jeŋıldetılgen nesie alu üşın bankke ötkızu qajet qūjattardyŋ ışınde arnaiy biznes kursty tämamdaǧany jönınde sertifikat ta talap etıledı. Aita ketu kerek, kursty «Damu» käsıpkerlıktı damytu qory nemese «Atameken» ūlttyq käsıpkerler palatasynda onlain jäne oflain türde tegın oquǧa bolady. Sonymen qatar, nesiege qol jetkızu üşın mındettı türde jyljymaityn mülık kepılge qoiylady. Eger käsıp iesınıŋ kepıldık qoiuǧa mümkındıgı bolmasa, biznes bastauşylarǧa tek 18 paiyz, al käsıpkerlerge 50 paiyzǧa deiın «Damu» qory kepılger bolatynyn aitady mamandar.
Öz sözınde «Qazaqstan Halyq bankı» AQ Astana öŋırlık filialynyŋ direktory Janar Rahimova būqaralyq käsıpkerlıktı damytu jönınde memleket biudjetınen ötken jyly 230 mln teŋge bölıngenın, būl qarjy 16 käsıpkerdıŋ enşısıne būiyrǧanyn atap öttı. Al biylǧy qarjylandyru säuır aiynda bolatynyn tılge tiek etken ol jiynǧa qatysuşylardyŋ bırqatar saualdaryna jauap berdı.
Nūrdäulet KÄKIŞEV
