100 myŋǧa juyq tal-teregı jaiqalǧan Astananyŋ Botanikalyq baǧy 1 mausymda aşylady.
Arqanyŋ suyq klimatyna beiımdı keletın qara qaiyŋ, qyzyl üieŋkı, özen jaǧasynda ösetın üieŋkı, üşkır japyraqty üieŋkı, dala üieŋkısı, boz arşa, manchjuriia jaŋǧaǧy, sıbır maiqaraǧaiy, qaraǧai, bürlı aǧaş, virgin moiyly jäne taǧy basqa aǧaştardyŋ türı baqtyŋ körkın aşa tüspek.
Osydan ekı jyl būryn bastalǧan Botanika baǧynyŋ qūrylysy ülken keşenge ainalyp otyr. Mūnda kıreberıs alaŋqaiy ajaryn aşyp tūratyn bolsa, jabyq jylyjai, jasandy su qoimasy, aqparat ortalyǧy, jaiau jürgınşıler köpırı de jobada qarastyrylǧan.
Mūnda qorşaǧan ortany qorǧauǧa qatysty ǧylymi zertteuler, tanymdyq, oqu-aǧartu, oiyn-sauyq, ekologiia jäne tabiǧatty qorǧaityn ıs-şaralar ötkızılıp tūrady. Astana tūrǧyndary men qonaqtary baqqa jyldyŋ barlyq mezgılınde sairandap, seiıldei alady.
100 gektar aimaqty alyp jatqan baqtyŋ körkemdeluıne şyǧysqazaqstandyqtar da öz ülesın qosyp otyr. Botanikalyq baqtaǧy türlı tüstı jaryqpen körkemdelgen sazdy subūrqaq osy oblystyŋ Astana mereitoiyna arnalǧan tartuynyŋ bırı bolmaq.
