Astana qalasynda bokstan äielder arasyndaǧy Qazaqstan chempionaty ötıp jatyr. Jeksenbı künı jalauyn kötergen jarysqa elımızdıŋ barlyq oblystarynan, Almaty jäne Astana qalalarynan 100-ge juyq boksşy baǧyn synaidy.
Bairaqty bäsekenıŋ alǧaşqy künderı elge tanymal boksşy qyzdardyŋ bırı qarsylastarynan basym tüstı. Atap aitqanda, 54 kelınıŋ üzdıgı aqmolalyq Dina Jolaman qostanailyq qarsylasy Baimanovany bet qaratpai ūtty. Al 60 kelı salmaqta qaraǧandylyq Aijan Qojabekova öz qarsylasyn aiqyn basymdyqpen jeŋse, astanalyq Rimma Volosenko da jeŋımpaz atandy. Qazaqstannyŋ eŋbek sıŋırgen jattyqtyruşysy Berık Marjyqbaevtyŋ şäkırtı özıne qarsy şyqqan qaraǧandylyq boksşyny jekpe-jek soŋyna deiın şydatpady. Bapkerlerı şarşy alaŋǧa oramal tastady. Osy salmaqtaǧy küştınıŋ bırı sanalatyn Karina İbragimova da almatylyq arudan ailasyn asyrdy.
Jūldyz Mamatqūlova 81 kelıde eşkımge des bermeitındei körınedı. Alǧaşqy jekpe-jegınde astanalyq Altyn Mūqyşpekovany köp qinalmai-aq ūtty.
Ūlttyq bırınşılıktegı tartysty ärı qyzyq aiqastar bügın de jalǧasatyn bolady. Janküierler aldynda ekı dürkın älem chempiony Nazym Qyzaibai, Jaina Şekerbekova (ekeuı de 51 kelı), Säniia Sūltanqyzy, Nazym İşanova (57 kelı), Läzzat Küngeibai (+81 kelı) syndy ataqty boksşylar öner körsetedı.
Boksşylar bäsekesı saǧat 12.00-de bastalady.
Qazaqstan chempiondary men jüldegerlerı beisenbı künı belgılı bolady.
