BIýDJET QARAJATY BAIYPTALDY

Astana qalalyq mäslihatynyŋ Ekonomika, önerkäsıp jäne käsıpkerlık mäselelerı jönındegı tūraqty komissiiasynyŋ kezektı otyrysynda 2017-2019 jyldarǧa arnalǧan qala biudjetınıŋ jobasy talqylandy.

Ekonomika jäne biud­jettık josparlau basqar­masy basşysynyŋ orynbasary Gülnar Jüsıpova Säulet jäne qala qūrylysy, Käsıpkerlık jäne öner­käsıp basqarmasy, İnves­ti­siialar jäne damu basqarmasy jäne Astana qalasy boiynşa Tekseru komissiiasynyŋ aldaǧy üş jyldyq biudjetterınıŋ jobasyna taldau jasady.
Baiandamaşy aldaǧy jyldary da şaǧyn jäne orta biz­nestıŋ örkendeuıne erekşe nazar audarylatynyn aitty. Osyǧan bailanysty türlı äkımşılık kedergılerdı qysqartyp, tölemge qabılettı sūranys jasap, «Biznestıŋ jol kartasy-2020» baǧdarlamasy boiynşa tıkelei qarjylai qoldau körsetıletın bolady. Eger boljau sandarǧa söz bersek, kelesı jyly şaǧyn jäne orta biznes salasyndaǧy tauar öndı­rı­sınıŋ kölemı 3541 mlrd teŋgege jetpek. Biudjette jospar­lan­ǧandai, käsıp­kerler üşın belgılengen qarajat bank kreditterı boiynşa paiyzdyq möl­şerlemenıŋ bır bölıgın subsidiialau, bank kreditterı boiynşa ışınara kepıldık beru siiaqty qarjylandyru közderı eskerılgen.
İnvestisiialar jäne damu basqarmasy boiynşa Astana qalasynyŋ 2017-2019 jyldarǧa arnalǧan biudjetınde 3 417 605 myŋ teŋge jobalanǧan. Ol üş kezeŋde, aǧymdaǧy alty baǧ­darlamanyŋ şeŋbe­rınde jüzege asyrylady. Asta­nanyŋ jaŋa elorda retın­degı halyqaralyq bedelın köte­ruge, onyŋ güldenuıne, qala­nyŋ innovasiialyq damuyn qamtamasyz etu üşın qarjy qarastyrylǧan. Turizm qyz­metın jetıldıru üşın de biudjetten qomaqty qarjy jos­parlanyp, onyŋ kölemı 438 441 myŋ teŋgenı qūrap otyr.
Säulet jäne qala qūrylysy basqarmasy jergılıktı deŋ­geide säulet jäne qala qū­ry­lysy salasyndaǧy mem­lekettık qyz­mettı jüzege asy­rady. Osy baǧyttaǧy qyz­mettıŋ şyǧyn­daryn esep­­tegen baiandamaşy jos­par­lanǧan qarajatqa taldau jasap, aldaǧy üş jylda ige­rıletın qarjynyŋ boljaldy nätijesıne toqtaldy.

Aigül UAISOVA