Qazyna qarjysyn maqsatsyz jūmsau tyiylar emes. Astana qalasynyŋ prokuraturasy elordanyŋ tūrǧyn üi-kommunaldyq şaruaşylyǧyn jetıldıruge bölıngen biudjet qarjysyna tekseru jürgızıp, nätijesınde aqşany tiımsız jūmsau faktılerın anyqtady.
Prokuratura jergılıktı atqaruşy organnyŋ 2010-2011 jyldardaǧy jäne 2012 jyldyŋ 1-toqsanyndaǧy QR tūrǧyn üi-kommunaldyq şaruaşylyǧyn jetıldıru baǧdarlamasy şeŋberınde bölıngen biudjet qarjysyn maqsatty jäne tiımdı jūmsaluy boiynşa tekseru jürgızdı.
Tekseru barysynda merdıgerlık ūiymdardyŋ jöndeu jūmystaryn sapasyz oryndauy, kondominium obektılerın jöndeuge bölıngen aqşany tiımsız paidalanyp, sondai-aq uäkılettı ūiymdar tarapynan tiıstı baqylaudyŋ bolmaǧany anyqtaldy.
Mysaly, «Astana qalasynyŋ avariialyq qyzmetter qauymdastyǧy» JŞS merdıgerlık ūiymy jalpy somasy 31 716 145 teŋgege qarjylandyrylǧanymen, Potanin köşesınde ornalasqan 12/2 tūrǧyn üige kürdelı jöndeu jürgızbegen. Äuelde bastalǧan şatyr jabynyn jöndeu jūmystary zerthanalyq synaqtarmen sapasyz oryndalǧan dep tanylyp, qaita bölşektengen bolatyn. Prokurorlyq yqpal etu aktısın qarau nätijelerı boiynşa «ASTANA» äleumettık-käsıpkerlık korporasiiasy» AQ uäkılettı ūiymy «Astana qalasynyŋ avariialyq qyzmetter qauymdastyǧy» JŞS-nen 9 900 000 teŋge mölşerınde tölengen qarajatty jäne şart talaptaryn oryndamaǧany üşın 3 171 614 teŋge tūraqsyzdyq aiyppūlyn sot tärtıbımen öndırıp alu şaralaryn qabyldady. Qazırgı uaqytta azamattyq ıs sot talqylauy satysynda.
Baǧdarlamany ıske asyru barysynda zaŋ būzuşylyqtarǧa jol bergenı üşın jūmys sapasyna tiıstı baqylau jürgızbegen uäkılettı ūiymnyŋ ekı lauazymdy tūlǧasy tärtıptık jauaptylyqqa tartyldy. Qūrylystyq jäne sanitarlyq normalar men erejelerdı būzǧany üşın merdıgerlık ūiymdarǧa qatysty 15 äkımşılık ıs qozǧaldy.
Astana qalasy prokuraturasynyŋ baspasöz qyzmetı
