Astana qalasynyŋ 26 jasar tūrǧyny Marat İbraevtyŋ erlıgı eldıŋ auzynda jür. Jas jıgıt qaisarlyǧymen bır ülken ittıŋ auzynan üş balany qūtqaryp qaldy.
Balalardy qūtqaruşy Marattyŋ aituynşa, oqiǧa 26 mausymda Abai köşesınde bolǧan. Sol jerge jūmys babymen barǧan Marat balalar alaŋynda şyŋǧyryp, jylaǧan balanyŋ dauysyn estidı. Baiqasa, bır ülken ittıŋ kışkentai qyzdyŋ aiaǧynan tıstep, süirep jürgenın köredı. Sodan oilanbastan, jügırıp kelıp, älgı itpen alysa ketedı. Ūzaq arpalystan keiın, it jıgıttıŋ qolynan bosap şyǧyp, kelesı bır balaǧa şabuyl jasaidy. Marat ol balany da ittıŋ azuynan bosatady. Qūtyrǧan it kelesı bır balaǧa tap beredı. Soŋynda it Marattyŋ özıne şabuyl jasap, kiımın jyrtyp, talap tastaidy. Artynşa, kinologtar ittı qamap, alyp ketedı.
Üş bırdei balanyŋ ömırın aman alyp, batyldyq tanytqan Marat qaladaǧy «Alma TV» mekemesınde jūmys jasaidy. Oqiǧa kuägerlerı qaisar jıgıttıŋ äreketıne täntı. Zardap şekken 7-8 jasar balalardyŋ ekeuı qazır auruhanadan şyqqan, al, bıreuı em alyp jatyr.
Al, auruhana qyzmetkerlerınıŋ aituynşa, köptegen adamdar osyndai jaǧdaimen aldaryna keledı eken. Mūndai oqiǧalar kün sanap artyp barady. Qalada qaptap jürgen qaŋǧybas itter adamdarǧa asa qauıptı bolyp tūrǧanyn aitty.
Bügınde jetı qazynanyŋ bırıne kırgızgen it adamǧa dos bolmai tūr. Qysqasy, it ittıgın jasaidy. Sonyŋ saldarynan adamdar aiyqpas auruǧa şaldyǧyp, ölıp te ketıp jatyr. Endı mūndai keleŋsızdıkpen jüielı türde küresu kerek. Keiın būl kesapattyŋ betın qaitaru qiyn bolyp qaluy mümkın.
Erkejan SÄTIMBEK
