Elordalyq egızder Darhan men Meiırhan Qazaq tehnologiia jäne biznes universitetı kolledjınıŋ 2-kurs studentterı. Turizm salasynyŋ bolaşaq mamandary.
Egızderdı jataqhana komendanty Ämina apai arqyly syrttai tanitynbyz. Ana bır joly jataqhanaǧa jolymyz tüskende ekı ūldyŋ jıbektei mınezı men ülgılı tärtıbın auzynyŋ suy qūryp otyryp äŋgımelep bergen. Būl jataqhananyŋ özge jataqhanalardan aiyrmaşylyǧy, baqandai bes jūp egız tūrady. Bır qyzyǧy, änşeiınde qatal körınetın komendant apai osy bes egız jaiynda söz qozǧasa, jıbıp sala beredı. Jıgıtterdı ızdep barǧan bızdı esık aldynan özı kütıp aldy. «Darhan – sabyrly, ūstamdy. Meiırhannyŋ mınezı jaidary, ünemı külıp jüredı. Jataqhanada ekı jyldan berı tūryp keledı. Ekeuınıŋ bır de bır artyq mınezın, oǧaş qylyǧyn baiqaǧan joqpyn», deidı apai. Dostarynyŋ aituynşa, ekeuı de öte eŋbekqor. Ata-anasyna artyq salmaq salmaudy oilaǧan olar sabaqtan bos uaqyttarynda qaladaǧy «Sättı» meiramhanasynda daiaşy bolyp qyzmet etedı. Būryndary tuǧan-tuystarynyŋ, qūrby-qūrdastarynyŋ aiyra almaityny azdai, endı jaŋa qyzmettesterı men kelgen qonaqtardyŋ bıraz bas qatyrularyna tura kelıp tūr. Meiramhana jūmysynyŋ qaǧidasy boiynşa är daiaşynyŋ özıne tiesılı qonaq üstelı bolady. Ädettegıdei jūmys künı bolatyn. Öz şaruasymen jürgen Meiırhandy körşı üsteldegıler közımen tesıp barady. Ary ötse de, berı ötse de sybyr-kübır äŋgıme. Bır kezde şydai almai ketken boluy kerek, arasyndaǧy bıreuı atyp tūryp «Äi, jıgıtım, sen özı bızdıŋ tapsyrysymyzdy qaşan äkelesıŋ? Bızdı attap ary ötesıŋ, berı ötesıŋ…» dep dauys kötere söiledı. Jaǧdaidy bırden tüsıne qoiǧan būl tapsyrysty alǧan özı emes ekendıgın aityp edı, älgı jıgıt aǧasy: «Sen bızdı jarty saǧattan astam küttırgenıŋ azdai, endı mazaq eteiın dep tūrsyŋ ba?», dep tıptı, aşuyna mındı.
Älgınıŋ oŋailyqpen sözge qonaq bermesın bılıp, ashanada jürgen Darhandy süiregendei bolyp alyp keldı. Sudyŋ qos tamşysyndai ekı daiaşyny körgende qonaqtyŋ özı ne derın bılmei, sasqanynan küle bergenı.
Ūqsastyqtyŋ keide paidasy tiıp jatatyn tūsy da bar. Mäselen, är oqu jylynyŋ basynda studentter medisinalyq tekseruden ötuı kerek. Mūndaida därıgerdıŋ qabyldauyna ekeuı bırdei baryp, äure bolyp jatpaidy. Bırınıŋ qūjatymen ekınşısı kırıp, medisina kıtapşasynyŋ ekeuıne de därıgerdıŋ qolyn qoidyryp alyp şyǧady. Alaida , būǧan deiıngı egız keiıpkerlerımız sekıldı būl ekı jıgıttıŋ bırınıŋ ornyna bırı emtihan tapsyryp, mūǧalımderdı aldap-soqqan kezı bolmapty. Öitkenı, mūǧalımnıŋ qulyǧy būlardan da asyp tüsse kerek, kez kelgen synaqqa ekeuın qatar kırgızedı. Qatar otyrǧyzyp qoiyp sūraq qoiady. Alaida, üzdık ülgerımınıŋ arqasynda mūndai synnan sürıngen kezderı joq. Egız ūldyŋ endıgı arman- maqsaty, naǧyz maman atanyp, ömır synynan sürınbeu…
