Daiarlyq jūmysy jaqsy

Äkımdıkte ötken döŋgelek üstelde mındettı äleumettık medisinalyq saqtandyru jüiesıne ötudıŋ daiarlyq jūmystaryn qorytyndylady.Jaŋa jyldyŋ 1 qaŋtarynan bastap jüzege asyrylatyn jaŋa jüienıŋ tiımdılıgın halyq arasynda tüsındıru bügıngı künge deiın öz jalǧasyn tabuda. Jyl basynan berı 11 myŋnan astam kezdesu ūiymdastyrylyp, onyŋ aiasynda elorda jūrtynyŋ 98,5 paiyzyn qūraityn 700 myŋnan astam tūrǧyndar qamtylǧan. Odan bölek, äleumettık jelılerde MÄMS turaly 15 myŋnan asa material jariialanyp, 1 mln-nan astam tüsındırme paraǧy tūrǧyndarǧa taratylǧan.
– Aldaǧy 19 jeltoqsan künı «ıKOMEK» ortalyǧy arqyly halyqqa tüsındıru jūmystaryn ūiymdastyratyn bolamyz. Jäne «Janūia» otbasyn qoldau ortalyǧynda da MÄMS boiynşa aqparattyq tüsındıru jūmystaryn qolǧa alady. Taǧy bır aityp ötetın jait, atalǧan jūmys boiynşa monitoring jürgızu maqsatynda bızdıŋ basqarmada MÄMS boiynşa keŋes qūrudy josparlap otyrmyz, – dedı Nūr-Sūltan qalasy Qoǧamdyq densaulyq saqtau basqarmasynyŋ basşysy Saule Qisyqova.
Jiynda atap körsetılgendei, elordada 105 medisinalyq mekeme jaŋa joba aiasynda kelısımşart jasauǧa daiyn. Bügınde olardyŋ barlyǧy da medisinalyq-aqparattandyru jüiesımen qamtylǧan. Sol siiaqty olardyŋ 102-ı Densaulyq saqtau ministrlıgıne kırıktırılgen. Qalǧan üş mekeme boiynşa da kırıktıru jūmystary jürıp jatyr, osy aidyŋ 15-ıne aiaqtau közdelude.
Sonymen bırge MÄMS aiasynda körsetılgen qyzmetke tölemaqy jasaǧysy kelgen ärbır azamat qaladaǧy 28 medisinalyq mekemenıŋ 14-ınde tölem terminaly ornatylǧan.