Elordalyqtar şetelge demaluǧa jiı barady. 2008 jyly jerlesterımız şetelge 2,4 myŋ ret barsa, 2012 jyly būl körsetkış 8,2 esege artyp, 19,6 myŋdy qūraǧan.
2012 jyldyŋ mälımetterı boiynşa turisterdıŋ basym bölıgı Türkiia, BAÄ jäne Tailand elderın taŋdaǧan.
Mūnymen qosa, elorda tūrǧyndary jergılıktı kurorttardy da ūnatady. Eger otandyq demalys oryndarynda 2008 jyly 25,6 myŋ adam demalsa, 2012 jyly būl körsetkış 24,8 myŋ adamdy qūraǧan. Al, 2013 jylǧy şeteldık turistık saparlarǧa kelsek, bırınşı toqsanda şeteldık kurorttarǧa 10,2 myŋ astanalyq barǧan, iaǧni, būl 2012 jyldyŋ säikes kezeŋınen 2,8 esege artyq.
Astananyŋ äleumettık-ekonomikalyq ömırınde bolǧan soŋǧy jyldardaǧy özgerıster turizm salasyndaǧy ūsynystardy qazırgı bolyp jatqan sūranysqa barynşa säikestendırıp, köbeituge mümkındık beredı. Zamanui kelbetı, infraqūrylymy bar, elımızdıŋ jas astanasy retınde qalamyzǧa degen jappai qyzyǧuşylyqtyŋ köbeiuı, turizm salasyn sipattaityn bırqatar körsetkıştermen rastalady.
2012 jyly Qazaqstan elordasyn demalu maqsatymen 329 adam aralaǧan, al, 2008 jyly elordaǧa kelgen rezident emesterdıŋ sany 213 adamdy qūraǧan. 2012 jyly Astanaǧa kelgen şeteldık azamattardyŋ jalpy sanynyŋ 43,8%-y TMD elderınen kelgen. Aita keteiık, onyŋ basym bölıgı Reseiden (95,8%) jäne Ukrainadan (3,5%) kelgen. Rezident emes turister saiahattau kezınde äue kölıkterın taŋdaidy.
Erkejan Sätımbek
