Elordada Aqparattyŋ şynaiylyǧyn baǧalau ortalyǧy aşyldy. Tolyǧyraq, ortalyq direktory Eŋlık DÜISENǦALİEVA aityp berdı.
–Ortalyqtyŋ maqsaty ne?
–Ortalyq kadrlardy ırıkteu, qyzmetkerlerdı attestattau jäne skrining qyzmetterın ūsynady. Ortalyqtyŋ qyzmetıne köbıne zaŋdy jäne jeke tūlǧalar, memlekettık qūrylymdar jügınedı. Mysaly, būl adamdardyŋ jūmysqa degen nietı qandai, jūmys ıstegısı kele me, joq pa, oǧan jūmys kerek pe degen sūraqtar arqyly jalǧandyq detektorymen tekseruge bolady.
–Ortalyqta aqparattyŋ şynaiylyǧy qalai tekserıledı?
–Mekeme poligraftyŋ «Diana» seriiasyndaǧy soŋǧy ülgısımen jabdyqtalǧan. Onda köşpelı jäne stasionar kabinetter bar. Soŋǧysynda beinekameralar ornatylǧan. Bır kamera adamnyŋ boiyn tüsırse, ekınşısı – mimikalyq qozǧalystaryn tüsıredı. Al arnaiy tekseru kreslosy jaŋa qūraldarmen jabdyqtalǧan. Oǧan qan tamyrynyŋ soǧuyn, adamnyŋ mimikasyn jäne qozǧalysyn tırkeitın 7 tetık qosylǧan. Oǧan qosa, poligrafologtardy oqytamyz. Sondai-aq, tiıstı qondyrǧylar satylady, tolyq tehnikalyq süiemeldeu, kepıldı jäne kepılden keiıngı qyzmetter körsetıledı. Poligraf emosiiany tekserıp, bärın tolyq jazady: közdıŋ qozǧalysynan bastap, arterialdyq qysymyn ölşeudı, adam qozǧalyp, onyŋ tynys aluy özgergenge deiıngı qysymyn ölşeidı. Sondyqtan poligrafty aldau mümkın emes. Sonymen qatar, ortalyqta 20 adamǧa arnalǧan oqu synyby aşyldy.
–Synyptyŋ jūmysy ne?
–Mūnda bılım alyp, testıleu barysyn baqylauǧa bolady. Barlyq üş kabinet özara beinekameralarmen, dybystyq qondyrǧylarmen jäne baqylau tehnikasymen bailanysqan.
Erkejan Sätımbek
