Mäslihat deputattary Konstitusiia künı qarsaŋynda arnaiy «Deputat künın» ötkızdı. Ata zaŋnyŋ qūrmetıne qalaǧa qatysty bırneşe maŋyzdy mäseleler köterılıp, talqyǧa salyndy.
Alǧaşqy baiandamaşy Densaulyq saqtau basqarmasynyŋ bastyǧy Aigül Segızbaeva QR «2011-2015 jyldarǧa arnalǧan salamatty Qazaqstan» damu baǧdarlamasy aiasynda jasalǧan igı qadamdar turaly taldamaly saraptamasyn ūsyndy. Qalamyzdaǧy emdeu mekemelerınıŋ jūmys barysy men qol jetkızgen jetıstıkterı jaily tolyq aqpar berıldı. Ötken jyldan qolǧa alynǧan skriningtık tekseruler nätijelerı paiyzdyq baǧammen alǧa tartyldy. Tekseru qorytyndysy boiynşa keibır beleŋ alǧan aurulardyŋ aldyn aluǧa qol jetkızılgen. Jaŋadan aşylǧan emdeu oryndaryna 670 million teŋgenıŋ arnauly jabdyqtary, 87 bırlık medisinalyq tehnika alynǧany baian etıldı. Keler jyly 350 oryndyq köp salaly balalar stasionary, 350 keluşıge arnalǧan ambulatorlyq emhanalyq keşen aşylatyny aityldy. Basqarma bastyǧynyŋ sözıne sensek, qazırgı taŋda aurular körsetkışı ötken jylmen salystyrǧanda äldeqaida azaiǧan.
Aqparattyq tehnologiialar bölımınıŋ meŋgeruşısı Däulet Sadyqovtyŋ baiandamasyna halyq taŋdaulylary tarapynan köptegen syn aityldy. Meŋgeruşınıŋ közınşe aşylmai qalǧan saittyŋ kemşılıkterı de nazardan tys qalmady. Jalpy halyqtyŋ äkımşılık saityna emın-erkın qoljetımdılıgı bügıngı taŋda özektı ekendıgı, ony tüzeu qajettılıgı mındetteldı.
Şynar ÄBILDA
