Astana qalasy Dın ısterı jönındegı basqarmasynyŋ qoldauymen äkımdıktıŋ dın problemalaryn zertteu ortalyǧy dıni ekstremizm men terrorizm ideialary taraluynyŋ aldyn alu boiynşa seminar ötkızdı.
Astana qalasy Dın mäselelerı jönındegı aqparattyq-tüsındıru toby müşelerıne arnalǧan būl şara «Qazaqstan halqy bırlıgın nyǧaitudaǧy dınnıŋ rölı» degen taqyryppen öttı.
Atalmyş top dıni ekstremizm men terrorizmge qarsy ıs-qimyl jönındegı 2013-2017 jyldarǧa arnalǧan memlekettık baǧdarlamany ıske asyru aiasynda qūrylyp, öz jūmysyn bastaǧan edı. Top küşımen osy künge deiın qala kölemınde 24 myŋnan astam adamdy qamtyǧan 203 kezdesu ötkızıldı. Osy rette dın tūrǧysynda memlekettık saiasatqa halyqtyŋ senımın arttyruǧa yqpal etıp, qoǧamdyq kelısım men tūraqtylyqty saqtauǧa tūrǧyndardyŋ azamattyq ūstanymyn qalyptastyruda oŋ täjıribe jinaqtap keledı.
Seminarǧa qatysuşylar aldynda söz alǧan Astana qalasy dın ısterı jönındegı basqarma basşysynyŋ mındetın atqaruşy Nūrdäulet Älmūhanov halyqpen tyǧyz jūmys jasai otyryp, olardyŋ kökeiınde jürgen sūraqtarǧa tıkelei jauap beretın qūramynda dıntanuşylar, psihologtar jäne äkımdıktıŋ Dın problemalaryn zertteu ortalyǧynyŋ ökılderı bar toptardyŋ bılıktılıgıne köp närse bailanysty ekenın aitty.
Parlament Mäjılısınıŋ deputaty Baqytbek Smaǧūl qandai qiyndyq bolsa da osy uaqytqa deiın qol jetkızgen jetıstıkterımız – tūraqtylyq pen tynyştyqtyŋ, san türlı ūlt pen dın ökılderınıŋ jarasymy men taulyǧyn nyǧaita tüsu kerektıgın aitty.
QMDB naib müftiı, «Nūr Astana» ortalyq meşıtınıŋ bas imamy Nauryzbai Taǧanūly soŋǧy kezde oryn alǧan oqiǧalarǧa taldau jasady. Ol «tūnyǧymyzdy lailaǧysy keletın küşterge qarsy tūrar, halyqtyŋ yntymaǧy men imanyn bekıtudıŋ joly dästürlı dıni qūndylyqtardy därıptei bılude jatyr» dedı.
Dın mäselelerı jönındegı aqparattyq-tüsındıru toby müşelerı oŋ täjıribelerımen almasa kele, aldaǧy mındetterın aiqyndady.
Aigül UAISOVA
