Biylǧy säuır aiynda elordada Sän jäne dizain studiiasy jūmysyn bastady. Mūnda öz ideialary men jobalaryn jüzege asyrudy armandaityn talantty dizainerler men suretşıler üşın esık aşyq.
– Bala kezımde multfilm rejisserı nemese sänger boludy armandadym. Alǧaşqy kolleksiiany 7-synypta körsettım. Keiın mūǧalımderım men synyptastarym mektepte alǧaşqy sän körsetılımımdı ötkızuge kömektestı. Mekteptı bıtırgen soŋ T.Jürgenov atyndaǧy akademiiaǧa grantqa oquǧa tüstım, – deidı şyǧarmaşylyq şeberhananyŋ jetekşısı Ariia Jünısbek.
21 jasynda ol Londondaǧy öner universitetıne oquǧa tüstı. Odan keiın Qazaq ūlttyq öner universitetınıŋ magistraturasyn tämamdady. «Universiada-2017» gala-konsertıne, Kaspii teŋızı sammitıne kostiumder daiyndady. Ariia Jünısbek Seul sän aptalyǧyna şeteldık sänger retınde şaqyryldy. Bakude Öner akademiiasynda şeberlık sabaqtaryn ötkızdı. Stambuldaǧy Öner institutynda, Abu-Dabide, Milanda sän körmelerınde boldy.
– Qazır men bar küşımdı balalardyŋ käsıbi dizain jäne jazu daǧdylaryn damytuǧa jūmsaimyn. Basynda aqyly kurstar aştyq. Bıraq keiınırek ata-analardyŋ balalarynyŋ şyǧarmaşylyq bılım aluyna aqşa töleuge mümkındıgı joq ekenın tüsındık. Äsırese mümkındıgı şekteulı balalardyŋ ata-analaryna qiynǧa soqty. Sondyqtan osyndai balalar üşın tegın top aşu ideiasy keldı. Qazır bızdıŋ şyǧarmaşylyq ortalyqta 16 bala bar. Onyŋ üşeuı mümkındıgı şekteulı jandar. Sondai-aq bızge 6 zeinetker keledı, – dep bölıstı öner studiiasynyŋ jetekşısı.
Äleumettık ortalyqta eskiz ben aksessuarlardy jasaudy jäne modeldeu boiynşa negızgı daǧdylardy, sonymen qatar suretke tüsudı, makiiaj jäne şaş ülgısınıŋ negızderın, suret salu tehnikasymen jūmys ısteudı, suret saludy jäne t.b. üiretedı.
