Dostyq dodasy
«Global Silk Road» Jıbek joly boiyndaǧy qalalar merlerınıŋ forumynyŋ qorytyndysy ıspettes Astanada futboldan Jıbek joly kubogy öttı.
Joldastyq kezdesude merler qūrama komandasy men halyqaralyq İslam ıskerlık qauymdastyǧynyŋ qūrama komandasy kezdestı. Jıbek joly kubogynyŋ aşylu saltanatynda söz söilegen elorda äkımı Äset İsekeşev jinalǧan komanda müşelerıne qoşemet körsetıp, sättılık tıledı:
– Barşaŋyzdy Astana qalasynyŋ 20 jyldyq mereitoiymen şyn jürekten qūttyqtaimyn. Jıbek joly boiyndaǧy qalalar merlerınıŋ forumy aiasynda köptegen şaralar öttı. Al būl sport merekesı forumnyŋ ädemı qorytyndysy degen oidamyn. Oiyn sättı ötsın. Barşaŋyzǧa jeŋıs tıleimın!
Oiyn aldynda Qazaqstan Respublikasynyŋ Memlekettık änūrany tyŋdaldy. Al Äset İsekeşevke İslam ıskerlık qauymdastyǧynyŋ qūrama komandasy atynan komanda kapitany, tanymal futbol jūldyzy Vagiz Hidiiatullin dop syilady. Būl qūrama sapynda Ruslan Nigmatullin, Andrei Kanchelskis, Rinat Dasaev sekıldı futbol jūldyzdary dop teptı.
– Qala äkımdıgınıŋ ūiymdastyruymen Jıbek joly kubogy bolyp jatyr. Qos qūrama jarysqa daiyn. Merler qūrama komandasy sapynda elorda äkımdıgınıŋ qyzmetkerlerı de oinaidy. Jalpy, äkımdık qoǧamdyq sportty damytuǧa köp köŋıl bölude. Mūndai şaralarǧa qala äkımı özı bas bolyp, äkımdık qyzmetkerlerı qaşanda qoldau körsetedı, – dedı «Astana su arnasy» MKK bas direktory Zeinulqabden Tabiǧat.
Är komanda 20 oiynşydan qūraldy. Futbolşylar 20 minuttan tūratyn ekı taim oinady, arasynda 5 minut demalys berıldı. Al oiynşy almastyru erkın türde jürdı. Joldastyq kezdesudıŋ aty zatyna sai bolyp, oiyn teŋ aiaqtaldy. Esep – 2:2. Qos qūrama müşelerıne bügıngı futbol merekesınen estelık retınde syilyqtar berıldı.
Beksattar SATTAR