Elordada «25 jūldyzdy kün» şeŋberınde bırneşe saltanatty şaranyŋ ūiymdastyryluyna Qazaqstan halqy Assambleiasy mūryndyq boldy. Sonyŋ bırı – №3 mektep-gimnaziiada oquşylar arasynda «Bız – bır aǧaştyŋ būtaqtarymyz!» taqyrybymen ötkızılgen dostyq sabaǧy.
Merekelık sabaqta poliak, nemıs, şeşen-inguş, tatar mektepterınıŋ belsendılerı öner körsettı. Balalar otansüigıştık jäne halyqqa qūrmet taqyryptarynda öleŋder oqyp, maqal-mätelder aitty, öz tılderınde änder oryndady.
Elorda tūrǧyndary men qonaqtary üşın ūiymdastyrylǧan ūlttyq taǧamdar men tättılermen toltyrylǧan merekelık dastarqan, qoldanbaly öner būiymdarynyŋ körmesı merekenıŋ körkın qyzdyra tüstı.
Sonymen qatar, Astana qalasy äkımdıgınıŋ janyndaǧy «Qoǧamdyq kelısım» mekemesınde etnomädeni bırlestıkterdıŋ Qazaqstan Respublikasynyŋ täuelsızdıgı jyldary qol jetkızgen jetıstıkterınıŋ körmesı öttı.
Keluşıler elordadaǧy etnomädeni bırlestıkterdıŋ kündelıktı eŋbegımen tanysuǧa mümkındık aldy.
Kezdesude Qazaqstan halqynyŋ bırlıgı men kelısımın nyǧaitudaǧy QHA-nyŋ rölı, jastardy patriottyq jäne ruhani-adamgerşılık tärbiesıne qatysty mäseleler talqylandy.
