Astana qalasynyŋ Qoǧamdyq keŋesınıŋ otyrysynda elordanyŋ 2017-2019 jyldarǧa arnalǧan biudjetınıŋ jobasy maqūldandy. Elordanyŋ basty qarjy qūjatynyŋ jobasyn äkımnıŋ orynbasary Andrei Lukin tanystyrdy, dep habarlaidy elorda äkımdıgınıŋ baspasöz qyzmetı.
Astananyŋ aldaǧy 2 jylǧa arnalǧan jergılıktı biudjetınıŋ jalpy kölemı 660,5 mlrd teŋge somasynda bekıtıldı. Sonyŋ 219 mlrd teŋgesı kelesı jylǧa arnalǧan. Qala qazynasynyŋ negızgı baby äleumettık sala bolyp tabylady.
Jiyn barysynda Andrei Lukin aldaǧy jyly Astananyŋ respublikalyq biudjettı qalyptastyruǧa qandai kölemde üles qosatynyn habarlady.
– Qalanyŋ biudjetı äleumettık baǧdarlanǧan bolyp qaldy. Aldaǧy jyly äleumettık salanyŋ özıne ǧana 90 mlrd teŋge şyǧyn nemese jalpy biudjettıŋ 41,3% kölemınde josparlanǧan, – dep atap körsettı äkımnıŋ orynbasary. Jalpy sipattaǧy transfertterdıŋ kölemderı turaly zaŋǧa säikes, kelesı jylǧa arnalǧan biudjettıŋ jobasynda biudjettıŋ alulary şamamen 20,5 mlrd teŋge, iaǧni bükıl el bolyp elordany salsa, endı elorda donor bola otyryp, respublikalyq biudjetke qarjy qūiady, – dedı qala basşysynyŋ orynbasary.
Sondai-aq, ol kelesı jyly jergılıktı biudjet qandai kölemde kırıs aludy josparlap otyrǧanyn habarlap, elordanyŋ jeke kırısterınıŋ basty közı eŋbekaqy töleu qorynyŋ salyqtyq tüsımderı ekenın atap körsettı.
Äkım orynbasarynyŋ aituynşa, 2017 jylǧa tüsımder boiynşa biudjettıŋ jobasy jeke kırıster boiynşa 212 mlrd 550 mln teŋge kölemınde bekıtıldı. Biylǧa josparlanǧan biudjetke qatysty ösım – 32,5 mlrd teŋge nemese 18%. Atap öterlıgı, jergılıktı biudjettıŋ kırısterınde salyq tüsımderınıŋ üles salmaǧy basym: 90-nan 97%-ǧa deiın. Sonyŋ ışınde eleulı üles eŋbekaqy töleu qorynyŋ salyqtaryna keledı: tölem közınen alynatyn kırısterge jeke kırıs salyǧy – 43% jäne äleumettık salyq – 36%.
