Elorda törınde Nur-Sultan Jiu Jitsu Grand Prix halyqaralyq turnirı öttı.
Jarystyŋ aşylu saltanatynda Qazaqstan djiu-djitsu qauymdastyǧynyŋ prezidentı, qalalyq Mädeniet jäne sport basqarmasynyŋ basşysy Bolat Majaǧūlov qūttyqtau söz söilep, osyndai jarystardyŋ ūiymdastyryluy elımızde djiu-djitsu sportynyŋ damuyna jaqsy serpın beretının atap ötıp, turnirge kelgen şeteldık, sondai-aq qazaqstandyq sportşylarǧa sättılık tıledı.
– Būl jarys jas sportşylardy qoldau maqsatynda «Jastar jyly» aiasynda ūiymdastyrylyp otyr. Turnirge älemdegı üzdıkterdıŋ, älem jäne Aziia chempiondarynyŋ qatysyp otyrǧany – bız üşın zor qūrmet. Bızdıŋ elordamyz da London, Rim, Parij, Äbu-Dabi, Tokio jäne GrandSlam şarasyn ötkızgen astanalar qataryna qosylady dep senımmen qaraimyn, – dedı Bolat Majaǧūlov.
Turnirdıŋ qūrmettı qonaǧy bolǧan Halyqaralyq djiu-djitsu qauymdastyǧynyŋ prezidentı Panaiotis Teodoropolus ta jarysqa qatysuşylardy qūttyqtap, qonaqjailylyq tanytyp jatqan qazaqstandyq ärıptesterıne alǧysyn bıldırdı. Dästür boiynşa qūrmettı qonaqqa qazaqtyŋ ūlttyq şapany jabyldy.
Ekı künde tatamide älemnıŋ 10 memleketınen 300-ge juyq sportşy beldestı. Onyŋ ışınde Bırıkken Arab Ämırlıgı, Braziliia, İordaniia, Auǧanstan, Türkmenstan, Moŋǧoliia, Täjıkstan, Resei, Özbekstan jäne Qazaqstan sportşylary boldy. Djiu-djitsu şeberlerı Ne-Waza, Fighting, DUO jäne Contact-System sekıldı 4 baǧytta küş synasty. Qazaqstan qūramasy sapynda 30 elordalyq sportşy el namysyn qorǧady.
Bırınşı jarys künı 150-ge juyq sportşy baǧyn synady, olardyŋ qatarynda 30-y Nūr-Sūltan qalasynyŋ namysyn qorǧady.
– Djiu-djitsu – keremet küres, ony jürekpen, sanamen meŋgeru kerek. Bız ülken bır otbasy siiaqtymyz. Men siiaqty mügedektıgı bar adamdar osyndai bedeldı jarystarǧa qatysa alady dep oilamappyn. Būl bırınşı ret. Bızge qoldau körsetıp, Qazaqstannyŋ namysyn qorǧap, tuymyzdy kökte jelbıretuımızge sep bolyp, daiyndap, jattyqtyryp jürgen senseiımız Quat Saǧievke alǧysym şeksız, – deidı arnaiy ūiymdastyrylǧan paradjiu-djitsu turnirınde altyn jülde ielengen Bauyrjan Arystanbekov.
Halyqaralyq jarystyŋ chempiondary qatarynan Bırıkken Arab Ämırlıkterı, Özbekstan, Resei, Braziliia jäne Qazaqstan sportşylary körındı. Jeŋımpazdar men jüldegerler diplomdar, medaldar jäne baǧaly syilyqtarmen marapattaldy.
