Astanadaǧy «Han Şatyr» SOO janyndaǧy alaŋda Batys Qazaqstan jäne Atyrau oblysynyŋ azyq-tülık järmeŋkesı ötude.
Batys Qazaqstan oblysynyŋ «Nūrjanar», «Rodnik», «İmanovskii polufabrikaty» siiaqty jauapkerşılıgı şekteulı serıktestıkter önımderı astanalyq tūtynuşylarǧa da jaqsy tanymal. Sondyqtan bolar, «İmanovskii polufabrikaty» JŞS-nyŋ et şūjyǧy, pelmenı jäne taǧy basqa önımderın saudalauşylar köp boldy. Batys Qazaqstan oblysy äkımınıŋ bırınşı orynbasary Arman Öteǧūlovtyŋ aituynşa, käsıporynnyŋ elorda öz ökıldıgı köpten berı jūmys ısteidı eken. Sondai-aq «Kublei» JŞS-nyŋ konservlengen et önımderıne qatysty da osylai aituǧa bolady. Elorda tūrǧyndary pelmen alǧysy kelse, bırınşı kezekte «İmanovskii» pelmenderın ızdeitının öz közımızben de talai körgenbız. Oblystaǧy 12 audannyŋ şaruaşylyqtary elordalyqtarǧa kökönıs türlerın, et pen süt önımderın ūsynyp qoimai, ūn men makaron önımderıne de qaryq qyldy. Oblysta osy baǧytta jūmys ısteitın «Beles Agro» AQ-nyŋ önımderı tek qazaqstandyqtarǧa ǧana emes, alys-jaqyn şetelderge de tanymal. Käsıporynnyŋ joǧary sūrypty ūnynyŋ bır kelısı järmeŋkede 120 teŋgeden satyldy.
Atyrau oblysy eŋ bırınşı kezekte astanalyqtardy balyq önımderımen täntı etken öŋır. «Kaspii-balyq» öndırıstık keşenı alyp kelgen türlı balyqtardy astanalyqtar şūbatylǧan kezekke tūryp satyp alyp jatty. Atyraulyqtar siyr, jylqy, qoi etın 1000-1100 teŋgeden ūsynǧan bolatyn. BQO järmeŋkesınde ettıŋ baǧasy säl qymbattau boldy. Siyr etı myŋ teŋgeden satylǧanymen, jylqy etı 1300 teŋgeden saudalandy. Degenmen, būl baǧa bärıbır Astana bazarlaryndaǧy baǧadan ortaşa eseppen alǧanda10-15 paiyzǧa arzan. Ekınşıden, qalai degenmen jailauda erkın jaiylyp ösken maldyŋ etı. Ettıŋ sapasyn bır-ekı qarap jıbergennen jaqsy şamalaityn aǧaiyndar sauda körıgın qyzdyryp, sol boida talap äketıp jatty. Järmeŋkenıŋ qyzyǧy erteŋ keşke deiın jalǧasady.
Meŋdolla NŪRYMŪLY
Jazyp jatqanyma renjımeŋızder. Bıraq amalsyzdan jazyp otyrmyn. Keşe 18 künı järmeŋkeden 6-kg.dyq sazan alyp edım, üidegılerdı 1 quantaiyn dep. Balyǧym sasyp ketken eken. Sonda da ümıtımdı üzbei bölşektep körıp edım, būzyp bolǧanymşa bytovkadaǧy (bızde obşejitie bolǧan soŋ, qol juatyn jer de bärıne ortaq) «Basqa körşılerden ūiat bolady!» – dep, äielım basyn ışkı kūrydysyn şyǧaryp saludy ötındı. Endı qaityp kelsem: «Qalǧan etın de aparyp tasta, uidı de sasyta almaimyn!» – dep, ony da qoqysqa tastatty. Sonda sol järmenkenı ūiymdastyrǧanda satatyn balyq etınıŋ saqtau merzımın qadaǧalaityn organdardyn bolmaǧany ma?