EKSPOǦA BAILANYSTY KEIBIR ZAŊDARǦA ÖZGERISTER ENGIZILEDI
EKSPO mamandandyrylǧan körmesın ötkızu jäne ūiymdastyru barysynda elımızdıŋ bırqatar zaŋdaryna özgerıster men tolyqtyrular engızılmek. Būl turaly Ortalyq kommunikasiialar qyzmetınde ötken brifingte «Astana EXPO-2017» ŪK» AQ Zaŋ departamentınıŋ direktory Maiia Egımbaeva men atalmyş ūlttyq kompaniianyŋ basqarma töraǧasynyŋ qūrylys jönındegı keŋesşısı Qanaǧat Tılemısov habarlady.
3 jeltoqsan künı Elbasy «Qazaqstan Respublikasynyŋ keibır zaŋnamalyq aktılerıne Astanada EKSPO-2017 halyqaralyq mamandandyrylǧan körmesın ūiymdastyru jäne ötkızu mäselelerı boiynşa özgerıster men tolyqtyrular engızu turaly» Zaŋyna qol qoiǧany belgılı. Osyǧan bailanysty qoldanystaǧy 8 zaŋnamalyq aktıge jäne biudjet jäne salyq kodeksterıne tüzetuler qarastyrylyp otyr. Atap aitqanda, osy özgerısterge säikes, EKSPO körmesın ūiymdastyrudy jäne ötkızudı qolǧa alatyn ūiymdardy korporativtı kırıs salyǧy, jer, mülık salyqtarynan jartylai bosatu qarastyrylǧan.
«EKSPO siiaqty auqymdy şarany ötkızu elordamyzben qatar, tūtas elımızdıŋ ekonomikalyq jäne infraqūrylymdyq damuyna qosymşa serpın beredı» dep atap ötken Maiia Egımbaeva «Astana EKSPO-2017» ūlttyq kompaniiasyn memlekettık biudjetten jedel maqsatty salym türınde qarjylandyru mümkındıgı de eskerılgenın jetkızdı.
«Tehnikalyq retteu turaly» zaŋyna engızılgen tolyqtyrular arqyly körmege daiyndalu jäne ony ötkızu aiasynda qyzmet, jūmys jäne tauarlarǧa qatysty şetel sertifikattaryn qoldanu, EKSPO obektılerın jobalau jäne qūrylys jürgızu kezınde halyqaralyq standarttardy paidalanu mäselelerı qarastyrylyp otyr.
Al «Halyqtyŋ köşı-qony turaly» Zaŋyndaǧy özgerıster elımızdegı körmege qatysqysy keletın şeteldık azamattardyŋ viza räsımdeuın jeŋıldetetın bolady.
Sonymen qatar Maiia Egımbaeva «Halyqty jūmyspen qamtu turaly» Zaŋnyŋ şeteldık mamandardy tartu räsımderın jeŋıldetu bölıgıne özgertuler engızıletının mälımdedı. Öitkenı, jasyl ekonomikany damytudy nysanasyna alǧan EKSPO üşın energiia ünemdeuşı tehnologiialardy barynşa paidalanu asa maŋyzdy. Al älemde būl salany tereŋ meŋgergen şeteldık mamandar barşylyq. Basty maqsat ta sol, bolaşaq energiiasyn engızuge mamandanǧan şeberlerdı elımızge tartu, solardyŋ täjıribesımen bölısu.
Körmenı ötkızu kezınde öz mamandarymyzǧa degen sūranys ta artpaq. Qazırgı joba boiynşa tek ūiymdastyru jūmystarynyŋ özıne 10 myŋǧa juyq maman kerek eken.
Söz soŋynda Maiia Erbolatqyzy atalǧan zaŋdar resmi türde jariialanǧannan soŋ 10 künnen keiın küşıne enetının aita kettı.
Qymbat NŪRǦALİ